Milli Məclis Milli Qurtuluş Günü münasibətilə Prezident İlham Əliyev və Birinci Vitse-prezident Mehriban Əliyevaya təbrik məktubu ünvanlayıb.

“Bunu spiker Sahibə Qafarova Milli Məclisin bu gün keçirilən plenar iclasında bildirib.

“İki gün sonra xalqımız Qurtuluş bayramını qeyd edəcək. Bildiyiniz kimi, xalqın təkidli tələbi ilə Heydər Əliyevin 1993-cü ildə ali hakimiyyətə qayıtması Azərbaycanı parçalanmaq təhlükəsindən xilas etdi. Bu gün Azərbaycan Prezidentinin həyata keçirdiyi daxili və xarici siyasət isə ölkəmizi yeni inkişafa yüksəldib. Bu gün Azərbaycan dünyanın geniş bölgəsində söz sahibi olan qüdrətli dövlətdir”, - deyə spiker qeyd edib.