Malik Mirzəyev: Ermənistan sülh istəyərsə...
YAP Lerik rayon təşkilatının sədri
Malik Mirzəyev
Azərbaycan Respublikasının Prezidenti İlham Əliyev iyulun 22-də Şuşada “Euronews” televiziyasına müsahibə verib. Müsahibə avqustun 1-də “Euronews”da yayımlanıb. Müsahibə zamanı Ermənistan-Azərbaycan münasibətlərindən danışan Prezident qeyd edib ki, Ermənistan sülh istəyərsə, biz ona nail olacağıq. Çünki bizim Ermənistana qarşı hər hansı bir ərazi iddialarımız yoxdur. Biz onların da Azərbaycana qarşı ərazi iddialarının olmamasını istəyirik. Qarabağda, hazırda müvəqqəti olaraq rusiyalı sülhməramlıların nəzarəti altında olan ərazidə yaşayan insanlar Azərbaycanda yaşayırlar və onlar onsuz da Azərbaycanın çox zəngin olduğu digər milli azlıqları kimi Azərbaycan vətəndaşları olaraq yaşayacaqlarına və ya Azərbaycanı tərk edəcəklərinə dair seçim etməlidirlər.
Azərbaycan tərəfi sülhə daim müsbət yanaşmışdır. Belə yanaşmanın bir nümunəsi də Prezident İlham Əliyevin Qarabağ bölgəsində yaşayan ermənilərə olan münasibətidir. Dövlət başçısı Azərbaycanın Qarabağ iqtisadi zonasında yaşayan mülki erməni əhalisinin hüquqlarının və təhlükəsizliyinin Azərbaycan Respublikasının Konstitusiyası və qanunları əsasında təmin olunacağını qeyd edib. Həmçinin bildirib ki, burada yaşayan bütün azlıqlar Azərbaycan vətəndaşları ilə eyni hüquqa malikdir. Erməni əhalisi də Azərbaycan hüquq normalarına riayət etməli, hakimiyyətlə yanaşı, yerli əhaliyə qarşı heç bir əks hərəkət etməməlidir. Ermənistan unutmamalıdır ki, yeganə çıxış yolu Azərbaycanın sülh çağırışlarına müsbət cavab verməkdir. Azərbaycanla Ermənistan arasında imzalanacaq sülh müqaviləsi artıq sülhün əldə edilməsinə gətirib çıxaracaq.
Prezident İlham Əliyev dünyanın aparıcı media təşkilatlarının nümayəndələrinə verdiyi müsahibələr bu günün real hadisələrini əks etdirir.
****
YAP Lerik Rayon Təşkilatının sədri Malik Mirzəyev qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Malik Mirzəyevin diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Malik Mirzəyev səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, YAP Lerik Rayon Təşkilatının sədri Malik Mirzəyevə biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
Malik Mirzəyev insanlara maksimum diqqət və qayğıyla yanaşır, onların problemlərini həll edərək, onların dövlətimizə və Prezidentimizə inamını artırır!
Malik Mirzəyev bütün işləri yüksək professionallıqla və böyük operativliklə icra edir! Bunun sirri onun professional olmasıyla, dövlətçiliyimizin və prezidentimizin yüksək reytinqini hər şeydən uca tutmasıyla bağlıdır!
Ona etibar edilən bütün işlərdə Malik Mirzəyev özünü doğruldub. Bizdə hörmətli Malik Mirzəyevi dövlətimizə, xalqımıza şərəfli xidmətində yeni-yeni uğurlar başarılar diləyirik.
