Quba rayonunda silsilə tədbirlər davam edir
Quba rayonunda Prokurorluq işçilərinin peşə bayramı günü qeyd olunub
1 Oktyabr - Azərbaycan Respublikası Prokurorluğu işçilərinin peşə bayramı günü və milli prokurorluğun yaradılmasının 106-cı ildönümü münasibətilə Quba Rayon İcra Hakimiyyətinin başçısı İlqar Mahmudov, Rayon İcra Hakimiyyətinin məsul şəxsləri, Quba rayon Prokurorluğunun kollektivi, rayonun hüquq-mühafizə orqanlarının rəhbərləri, eləcə də rayon ictimaiyyətinin nümayəndələri tərəfindən Ulu Öndər Heydər Əliyevin Quba şəhərində adını daşıdığı Mədəniyyət və İstirahət parkındakı abidəsi ziyarət olunmuş, abidə önünə gül dəstələri qoyulmuş, sonra isə Quba Rayon İcra Hakimiyyətində xidmətdə fərqlənmiş prokurorluq işçiləri ilə görüş keçirilmişdir. Prokurorluq işçilərini təbrik edən Rayon İcra Hakimiyyətinin başçısı, eyni zamanda onları fəxri fərmanlarla təltif etmişdir.
Şəhid hərbi qulluqçu Tapdıq Bayramovun il mərasimi keçirilib
Quba Rayon İcra Hakimiyyətinin təşkilatçılığı ilə 19-20 sentyabr 2023-cü il tarixdə Azərbaycan Respublikasının Silahlı Qüvvələri tərəfindən həyata keçirilən antiterror əməliyyatı zamanı şəhid olmuş hərbi qulluqçu Bayramov Tapdıq Namiq oğlunun il mərasimi keçirilmişdir.
Şəhidimizin Quba şəhəri mərasim evində keçirilən il mərasimində Rayon İcra Hakimiyyətinin başçısı İlqar Mahmudov, Rayon İcra Hakimiyyətinin məsul şəxsləri, YAP Quba rayon təşkilatının, rayonun hüquq-mühafizə orqanlarının rəhbərləri və əməkdaşları, idarə, müəssisə və təşkilatların rəhbərləri, şəhid ailələri, qazilər, müharibə iştirakçıları, din xadimləri və rayon ictimaiyyətinin digər nümayəndələri iştirak etmişlər.
