"Araz" Supermarketlər Şəbəkəsində vaxtı keçmiş məhsullar satılır. DİA.AZ bildirir ki, bu barədə jurnalist Elman Nigaran post paylaşıb: "Əziz dostlar, "İvanovka" məhsullarını alarkən diqqətli olun. Çünki, istər məhsulu istehsal edən tərəf, istərsə də "Araz" super market şəbəkəsi istifadə müddəti bitmiş məhsulları satmaqda maraqlıdır. Bir sözlə, daha çox gəlir əldə etmək istəyən hər iki tərəf sanki bizim qəstimizə durub. Bununla da alıcı kütləsinin həyatı təhlükə altına düşür. Qida Agentliyi isə ümumiyyətlə işinin öhtəsindən gələ bilmir....

Üzümü agentliyə tutub sual vermək istəyirəm. Siz nə işlə məşğulsuz? Dövlət tərəfindən əməkhaqqını hansı haqla alırsız? Sizin işinizə də Prezident nəzarət etməlidir??

Belə olan halda vətəndaşlar diqqətli olmalı, məhsulu alarkən istifadə müddətinə nəzər yetirməlidir. Əks təqdirdə, ailədə zəhərlənmə hadisəsi baş verəcək. Ona görə də, aidiyyəti qurumlar və eyni zamanda hüquq mühafizə orqanları məsələyə ciddi nəzarət etməlidir. Üzərimizə düşən vəzifədən istifadə edib, lazımı qurumlara rəsmi müraciət edəcəyik".

DİA.AZ