Son 3-4 ildə Çindən ölkəmizə idxal olunan avtomobillərin sayı sürətlə artıb. İndi isə həmin nəqliyyat vasitələrinin bir qismi artıq ikinci əl bazarda satılır. Bu isə bazarda yeni seqmentin formalaşdığını göstərir.

Avtomobil satış sektoru üzrə ekspert Eldəniz Cəfərov bildirib ki, ikinci əl bazarında daha çox fərdi idxal olunan, yəni rəsmi nümayəndəliyi və servis dəstəyi olmayan modellər problem yaradır. Amma bazarda rəsmi idxalçı ilə təmsil olunan Çin avtomobilləri də var. Bu brendlər həm ehtiyat hissəsi, həm də servis baxımından daha dayanıqlıdır.

İkinci əl bazarda Çin avtomobillərinə maraq əsasən qiymət baxımından əlçatanlığa görədir. Amma avtomobili satmaq istədikdə, brendin bazarda tanınması və servis təminatı da qiymətə təsir edən əsas amillərdəndir.