İsrailin aparıcı qəzetlərindən biri olan "The Marker" "Forbes" məlumatlarına əsasən "Dünyanın ən zəngin yəhudiləri"nin siyahısını dərc edib.

"Unikal" xəbər verir ki, siyahı 2025-ci il üçün aktual sərvət məlumatları ilə hazırlanıb və siyahıdakı adlar sektorlarına görə sıralanıb. Siyahıya yəhudi kimliyi ilə tanınan və İsraillə birbaşa və ya dolayı əlaqəsi olan varlı şəxslər daxildir.

Siyahıya təxminən 239,6 milyard dollar sərvətlə texnologiya nəhəngi Mark Zukerberq başçılıq edir. "Facebook"un qurucusu Zukerberqin İsraillə güclü maliyyə əlaqəsi olmasa da, yəhudi kimliyi ilə siyahıda ən gənc ad kimi seçilir.

Zukerberqi 217,1 milyard dollar sərvəti ilə "Oracle"ın qurucusu Lourens Ellison izləyir. İsraillə iş əlaqələri olduğu bilinən Ellisonun müxtəlif yəhudi təşkilatlarına etdiyi ianələrlə də tanınır.

Siyahıda üçüncü yerdə 104,7 milyard dollarlıq sərvətlə media sektorunun tanınmış adı olan Michael Bloomberg gəlir. Maliyyə dünyasının mübahisəli siması olan və Türkiyədə tez-tez adı keçən Corc Soros 7,2 milyard dollarlıq sərvəti ilə diqqət çəkir.

Siyahıda 9,2 milyard dollarlıq sərvətlə rus iş adamı Roman Abramoviç var və o, İsraildəki daşınmaz əmlakı və investisiyaları ilə seçilir. 2021-ci ildə vəfat edən Şeldon Adelson xüsusilə İsrailə siyasi və maliyyə yardımı ilə tanınır. Adelsonun nəşr etdiyi "İsrael Hayom" qəzeti İsrailin baş naziri Benyamin Netanyahuya verdiyi dəstəyi ilə seçilib.

Isaac Perlmutter, "Marvel Comics"in keçmiş sahibi olaraq media sektorundan siyahıdakı adlardan biri kimi seçilir. Təxminən 4,9 milyard dollarlıq sərvəti ilə diqqət çəkən Perlmutter İsraildə doğulmuş və sonradan ABŞ-a mühacirət etmiş bir sahibkardır. Daşınmaz əmlak sektorundan Harri Triquboff 19,7 milyard dollar sərvəti ilə seçilir. Triqubovun İsraildə də biznes əlaqələri olduğu bildirilir.