Həqiqətə söykənməyən ittiham! [xfgiven_qirmizi] [/xfgiven_qirmizi]
Son vaxtlar dövrü mətbuatda və sosial şəbəkələrdə sifarişlə qərəzli yazılar yazaraq vicdanlı, namuslu insanların işgüzar nüfuzuna xələl gətirmək üçün bəzi Media qurumları, xəbər portallarının rəhbərləri özlərinin korporativ maraqlarına rəğmən hər hoqqadan çıxırlar. Əks tərəfi dinləmədən, onların münasibətini öyrənmədən qarayaxma kampaniyasına start verirlər. Faktların, verilən sifarişlərin dürüstlüyünə varmadan vicdanlı insanları ləkələməklə məşğul olurlar. İctimaiyyət arasında həmin insanların nüfuzunu,reputasiyasını aşağı salmağa çalışırlar. Ağa qara deməklə, düzü əyri yazmaqla öz vicdanlarını bəzən unutmuş olurlar.
Əslində bu cür qarayaxmalar sonda sifarişçinin əleyhinə işləyir. Həqiqəti əks etdirməyən bu yazıları qərəzli şəkildə yazmaqla özlərinin nüfuzuna "daldan atılan daş"-misalında mənəvi zərbə vurmuş olurlar.Yaxşı deyiblər "yalan ayaq tutar,amma yeriməz". Bəzən onlar aidiyyatı olmayan işlərə burunlarını soxmaqla olan-qalan hörmətlərini də itirmiş olurlar. Axı hər şeyin zamana ehtiyacı var. Nəyinsə naminə tələsmək, tez-tələsik nəsə yazmaq lazım deyil. Əgər kimlərinsə mülk davası, ərazi-torpaq iddiası varsa bunun üçün aidiyyatı qurumlar və sonda məhkəmə orqanları var. Amma bəzi"media mənsublarının"bu işlərə burnunu soxması nədən irəli gəldiyini açıq şəkildə büruzə verir.
Şəmkir rayonunda yerləşən Şadlıq Sarayı məsələsinə görə iki ağsaqqal ziyalının adını hallandırmaq,onların şəkillərini sosial şəbəkələrdə yaymaq, paylaşmaq hansı məntiqə sığır? Bu nə dərəcədə etikdir? Əlbəttə bu qərəzçiliyin arxasında hansı maraqların olduğu öz çılpağlığı ilə sezilir. Bu gün hamı kimi Cavanşir Yusifovun oğlu Rüfət bəyin də bizneslə, sahibkarlıqla məşğul olmağa azad bir ölkənin azad vətəndaşı kimi tam hüququ vardır. Və Rüfət Bəy bu hüquqdan istifadə edərək qanunu şəkildə sahibkarlıq fəaliyyəti ilə məşğul olur. Amma bu işlərə heç bir aidiyyatı, dəxli olmayan Yusif və Cavanşir Yusifovların adlarını çəkmək ,onları sosial şəbəkələrdə daş-qalağ etmək qərəzli-sifarişli yazıların müəllifi kimi böyük bir haqsızlığa imza atmaq deməkdir.
Bəli bu gün cəmiyyətdə, ictimaiyyət arasında kifayət qədər tanınmış nüfuzlu, hər zaman reputasiyaları yüksək olan iki ağsaqqal ziyalını, onların övladlarını, qohumlarını bəzi xəbər portalları sosial şəbəkələr üzərindən ləkələməklə məşğuldurlar. Tanınmış elm adamı Gəncə Dövlət Universitetinin rektoru Yusif müəllim Yusifovu və Maliyyə nazirliyinin keçmiş məsul işçisi olmuş Cavanşir Yusifovun ünvanına olmazın böhtanlar yağdırırlar. Onların ailə üzvlərinin, qohumlarının adlarını hallandırırlar. Apardığımız araşdırmalara rəğmən nə Yusif müəllimin və nə də Cavanşir müəllimin şəxsi biznesi yoxdur. Cavanşir müəllim bu gün təqaüddə olan bir təqaüdçü kimi öz şəxsi həyatı ilə məşğuldur.Yaşlı bir insanın adını bu qalmaqalda hallandırmaq heç bir məntiqə sığmır.Azad demokratik bir ölkənin vətəndaşı kimi hər kəsin bizneslə məşğul olmaq haqqı vardır. Bəzi istisnalar olmaq şərti ilə. O cümlədən də Cavanşir müəllimin oğlu Rüfət Yusifovun da sahibkarlıqla məşğul olmaq haqqı var və olur. Kifayət qədər yaşı olan--40-dan çox yaşı olan Rüfət Bəy artıq neçə illərdir sahibkarlıqla məşğul olur və dövlət qarşısında olan öhdəliklərini də qanuna uyğun səviyyədə də yerinə yetirir.Bəzi sosial şəbəkələr verdikləri qərəzli yazılarında bu restoranı şişirdilmiş şəkildə verərək nəhəng bir saraya bənzədirlər. Hansı ki,adam tutumuna görə az olan bu restoranda yalnız kiçik həcmli ziyafətlər,ad günləri, məhdud sayda kiçik toy məclisləri təşkil olunur.
O ki qaldı kimin haqlı, kiminsə haqsız olduğunu nəyinsə müqabilində subut etməyə çalışsanız buna baş vurmamağınız tövsiyyə olunur. Axı bu Sizin işiniz deyil. Bunun üçün aidiyyatı qurumlar,məhkəmə orqanları var. Belə işlərdə ağsaqqal insanların,aidiyyatı olmayan vətəndaşların adlarını hallandırmaq nə insafdandı və nə də düzgün deyil. Yusif müəllim elmi işlərlə məşğul olaraq böyük bir təhsil ocağına rəhbərlik edir. Bir təhsil fədaisi kimi ömrünü Elmə-Təhsilə, savadlı kadrların hazırlanmasına sərf edib. Və bu tendesiya bu gündə davam edir. Cavanşir müəllimə gəlincə isə O hər zaman işlədiyi dövrlərdə də və indi də Dövlətə-Dövlətçiliyə, Xalqa-Millətə, Qanunların Aliliyinə, Ulu Öndərin ideyalarına, onun siyasi kursuna və ideoloji xəttinə vicdanla-fəxarətlə-sədaqətlə xidmət edib və etməkdədir. İstər Yusif müəllim, istər Cavanşir müəllim Azərbaycan elitası və ictimaiyyəti arasında tanınmış parlaq simalardan biridirlər.Çətin,məsuliyyətli və şərəfli bir ömür yolu keçərək Dövlətə-Dövlətçiliyə xidmət edən,illərin sınağından çıxmış etibarlı,sadik, peşəkar iş bacarığına malik olan dəyərli ziyalılarımızdandırlar.
Son olaraq bizdə ən-ənəmizə uyğun olaraq qarşı tərəfin mövqeyini öyrənməyə, dərc etməyə və ona tribuna verməyə hazırıq.
Hörmətlə pressmedia.info Hatəm Allahverdiyev.
