Masallı Regional Meşə İdarəsinin rəisi Nəsimi Nəsibova qarşı gedən əsassız ittihamlara cavab [xfgiven_qirmizi] [/xfgiven_qirmizi]
Son günlər bəzi sosial platformalarda Masallı Regional Meşə İdarəsinin rəisi, peşəkar meşə mütəxəssisi və təcrübəli dövlət qulluqçusu Nəsimi Nəsibov haqqında əsassız, həqiqətə uyğun olmayan iddialar yayılmaqdadır. Guya Nəsimi Nəsibov meşələrin məhv edilməsinə şərait yaradaraq şəxsi biznes qurub. Bu kimi məlumatlar tamamilə yalan və böhtan xarakteri daşıyır və nə hüquqi, nə də faktiki əsaslara malikdir.
Nəsimi Nəsibov uzun illərdir dövlət meşə təsərrüfatı sahəsində çalışaraq, təbiətin qorunması və ekoloji tarazlığın saxlanılması istiqamətində yorulmadan fəaliyyət göstərir. Onun rəhbərliyi altında Masallı Regional Meşə İdarəsi tərəfindən:
-Meşələrin bərpası və yaşıllaşdırma işləri planlı şəkildə həyata keçirilmiş, minlərlə ağac tingi əkilmişdir.
-Təbii sərvətlərin mühafizəsi üçün müasir monitorinq sistemləri tətbiq edilmişdir.
-Meşə yanğınlarının qarşısının alınması, təmizlənməsi və ekoloji maarifləndirmə layihələri icra edilmişdir.
İctimaiyyət yaxşı bilir ki, meşələrin qorunması yalnız dövlət siyasətinin prioritetlərindən deyil, həm də hər bir vicdanlı vətəndaşın borcudur. Nəsimi Nəsibovun rəhbərliyi altında bu borc daim ön planda saxlanılmış, regionun ekoloji tarazlığının qorunması üçün mühüm addımlar atılmışdır.
Bəzi şəxslərin yaydığı böhtan xarakterli məlumatlar həm idarənin nüfuzuna, həm də Nəsimi Nəsibovun uzun illərin zəhməti ilə qazandığı hörmətə xələl gətirmək məqsədi güdür. Bu cür şayiələr yalnız təbiətin qorunmasına yönəlmiş işləri ləkələmək və ictimaiyyət arasında çaşqınlıq yaratmaq məqsədinə xidmət edir.
Masallı Regional Meşə İdarəsi və onun rəhbərliyi hər zaman şəffaflıq, qanunçuluq və məsuliyyət prinsiplərinə sadiq olmuşdur. İnanırıq ki, ədalət və həqiqət gec-tez öz yerini tapacaq, təbiətin qorunmasına yönəlmiş bu zəhmətlərin dəyəri bir daha təsdiqini tapacaqdır.
Nəsimi Nəsibov yalnız meşələrin qorunması və ekoloji mühitin yaxşılaşdırılması ilə deyil, həm də şəhid ailələri və qazilərimizə göstərdiyi xüsusi diqqət və qayğı ilə seçilir. Onun təşəbbüsü ilə bu qəhrəman ailələrinin sosial problemlərinin həllinə dəstək göstərilmiş, onların həyat şəraitinin yaxşılaşdırılması istiqamətində müxtəlif yardımlar edilmişdir.
Nəsimi Nəsibov daim qeyd edir ki, bu Vətən uğrunda canından keçmiş və sağlamlığını itirmiş igidlərin ailələrinə dəstək göstərmək hər birimizin mənəvi borcudur. Bu yanaşma onun insani dəyərlərə sadiqliyinin və dövlətçilik prinsiplərinə bağlılığının bariz nümunəsidir.
Biz bütün ictimaiyyəti çağırırıq ki, şər və böhtan xarakterli məlumatlara deyil, faktlara əsaslansın, ölkəmizin təbii sərvətlərinin qorunması naminə çalışan vicdanlı mütəxəssisləri dəstəkləsin.
