Xalqlarımızı birləşdirən ortaq tarix, mədəniyyət və dəyərlər [xfgiven_qirmizi] [/xfgiven_qirmizi]
Ortaq tarix
Xalqlar arasında yaranan dostluq və qardaşlıq bağları əsrlərin sınağından keçərək formalaşmışdır . Bu bağlar yalnız coğrafi yaxınlıqdan deyil, həm də ortaq tarix, mədəniyyət, din və dəyərlərdən güc alır. Bizim xalqlarımız da yüzilliklər boyu bir-birinə sıx bağlı olmuş, eyni ideallara, oxşar həyat tərzinə və mənəvi dəyərlərə sahib olmuşdur.Tarix boyu xalqlarımız bir çox çətinliklərdən birgə keçmiş, eyni torpaqlarda yaşamış, eyni düşmənə qarşı mübarizə aparmışdır. Hər bir nəsil bu birliyi qorumaq üçün öz payını vermişdir. Ortaya çıxan bu tarixi birlik sadəcə keçmişin xatirəsi deyil, həm də gələcəyin möhkəm təməlidir. Ortaq tarixi köklər xalqlar arasında həm siyasi ,həm də mənəvi birliyin yaranmasına şərait yaratmışdır .Biz bu tarixi mirası qorumaqla həm keçmişimizi yaşadır, həm də gələcəyə inamla addımlayırıq.
Mədəniyyət
Xalqların kimliyini müəyyən edən əsas göstəricələrdən biri məhz mədəniyyətdir .Mədəniyyət xalqların ruhudur. Bizim mədəniyyətimizdə — musiqidə, ədəbiyyatda, rəssamlıqda, xalq yaradıcılığında — ortaq motivlər çoxdur. Oxşar musiqi alətləri, eyni rənglərlə bəzənmiş xalçalar, bir-birinə bənzər nağıllar və dastanlar bizim ortaq mənəvi dünyamızı əks etdirir. Məsələn, qəhrəmanlıq dastanlarımızda eyni ideallar — cəsarət, mərdlik, vətənə sədaqət — tərənnüm olunur. Bu isə göstərir ki, xalqlarımızın ürəyi eyni döyüntülərlə döyünür.Həmçinin xalqlarımızın mədəni irsində oxşar eleməntlərin mövcudluğu onların çoxəsrlik əlaqələrinin sübutudur .
Din
Din də bizi birləşdirən ən güclü bağlardan biridir. Uca Tanrıya inam, insana və təbiətə hörmət, ədalət və mərhəmət kimi dəyərlər həm dini, həm də mənəvi baxımdan bizi bir araya gətirir. Min illər boyu insanlar eyni ibadət yerlərində dua etmiş, eyni müqəddəs bayramları qeyd etmişlər. Ramazan, Qurban, Novruz kimi bayramlar sadəcə dini və ya mövsümi tədbirlər deyil, həm də xalqlar arasında birliyin, mehribanlığın və paylaşmanın simvoludur.Din xalqlar arasında birləşdirici rol oynayan amillərdən biridir .Eyni dini inanc sisteminə malik olmaq insanların mənəvi aləmini yaxşılaşdırır ,qarşılıqlı hörmət və tolerantlıq mühitini gücləndirir .Uca yaradan qarşısında bərabərlik ,ədalət mərhəmət ,insanlara yardım kimi prinsiplər dinin əsasında durur və xalqlar arasında mənəvi birliyin möhkəmlənməsinə xidmət edir .
Ortaq dəyərlər
Bütün bu ortaq dəyərlər — ailəyə sevgi, böyüyə hörmət, kiçiyə qayğı, qonşuluq münasibətləri, qonaqpərvərlik və ədalət — bizi bir xalq kimi birləşdirir. Biz eyni kökdən güc alır, eyni ruhu daşıyırıq. Çünki ortaq dəyərlər xalqların birgə yaşayışını tənzimləyən sosial – mənəvi əsasdır .Bu dəyərlər təkcə keçmişin mirası deyil ,həm də bu günümüzün və gələcəyimizin üçün mənəvi kompas rolunu oynayır.Bu dəyərləri yaşatmaq, gələcək nəsillərə ötürmək hər birimizin borcudur.
Bu gün dünya qloballaşır, sərhədlər silinmiş kimi görünür, amma mənəvi dəyərlərini qoruyan xalqlar heç vaxt öz kimliyini itirmir. Biz də öz köklərimizə sadiq qalmaqla həm keçmişimizi, həm də gələcəyimizi qoruyuruq. Tarix, mədəniyyət, din və ortaq dəyərlər bizim ən böyük sərvətimizdir. Onları qorumaq, gələcək nəsillərə ötürmək — bir millət kimi varlığımızın təminatıdır.Nəticə etibarilə bu amillərin qorunması və gələcək nəsillərə ötürülməsi milli kimliyimizin saxlanılması baxımdan mühüm əhəmiyyət kəsb edir .
Bakı Qızlar Universiteti tələbəsi Xudaşlı Ləman
Nəsimi rayon gənci
