Mustafa Topçubaşovun 130 illiyi qeyd ediləcək - Sərəncam [xfgiven_qirmizi] [/xfgiven_qirmizi]
Akademik Mustafa Topçubaşovun 130 illiyi qeyd ediləcək.
Bununla bağlı Prezident İlham Əliyev Sərəncam imzalayıb.
Sərəncamda bildirilir ki, 2025-ci ilin avqust ayında Azərbaycan Elmlər Akademiyasının təsisçilərindən biri, görkəmli alim və tanınmış ictimai xadim, tibb elmləri doktoru, SSRİ Tibb Elmləri Akademiyasının həqiqi üzvü, SSRİ Dövlət mükafatı laureatı, Əməkdar elm xadimi, akademik Mustafa Ağabəy oğlu Topçubaşovun anadan olmasının 130 ili tamam olur.
Azərbaycan Milli Elmlər Akademiyası Azərbaycanın Səhiyyə Nazirliyi ilə birlikdə akademik Mustafa Topçubaşovun 130 illiyinə dair tədbirlər planı hazırlayıb həyata keçirməli, Nazirlər Kabineti bu Sərəncamdan irəli gələn məsələləri həll etməlidir.
