ABŞ və Türkiyə CAATSA (ABŞ-nin düşmənlərinə qarşı sanksiyalar vasitəsilə mübarizəsi - red.) sanksiyalarının aradan qaldırılmasında istəklidir.

Bunu "CNN Türk" telekanalının canlı yayımında Türkiyənin xarici işlər naziri Hakan Fidan deyib.

"İki ölkə və iki lider bunun (CAATSA sanksiyalarının - red.) ləğvini istəyir. Bunun həyata keçirilməsi üçün edilməli olan proses var. Hazırda Türkiyə və Amerika tərəfinin üzərinə düşən vəzifələrin yerinə yetirilməsi prosesindəyik, bunun qərarı onsuz da verilib", - nazir bildirib.

Xatırladaq ki, ABŞ Prezidenti Donald Tramp NATO Baş katibi Mark Rütte ilə keçirdiyi görüşdə alyansın Ankarada baş tutacaq sammitinə (7-8 iyul) "Türkiyəni məmnun edəcək bir şeylə" qatılacağını açıqlayıb.