Türkiyə, Qətər, İndoneziya və Pakistan “Bədr” memorandumu imzalayıblar.

Türkiyə Milli Müdafiə Nazirliyinin açıqlamasında bildirilir ki, sənə müdafiə sektorunda əməkdaşlığı gücləndirmək və strateji tərəfdaşlıq inkişaf etdirməyi nəzərdə tutur.

Sənəd hərbi-sənaye sektorunda əməkdaşlığı təşviq etmək və ölkələrin hərbi imkanlarını gücləndirmək məqsədi daşıyır. Ölkələr həmçinin hərbi təlim və tədqiqatlar sahəsində birgə çalışacaqlar.

Müqaviləni Türkiyənin milli müdafiə naziri Yaşar Gülər, Qətər baş nazirinin müavini və müdafiə üzrə dövlət naziri Şeyx Səud bin Əbdülrəhman bin Həsən Əl-Tani, İndoneziya müdafiə nazirinin müavini Yusif Cəvhəri və Pakistanın müdafiə naziri Xavaca Məhəmməd Asif imzalayıblar.