Rusiyada dollar milyarderlərinin sayı ötən il 18 faiz artaraq 151 nəfərə çatıb. Ölkə bu göstəriciyə görə dünyada dördüncü yeri tutub.

Milyarderlərin sayının və onların ümumi sərvətinin artmasına valyuta məzənnələri, faiz dərəcələri və xammal satışından əldə olunan gəlirlərin yüksəlməsi təsir göstərib.

Mütəxəssislərin bildirdiyinə görə, neft istisna olmaqla digər xammal məhsullarından gəlirlərin artması da mühüm rol oynayıb. Buna Rusiyanın xarici ticarətinin daha çox Asiya istiqamətinə yönəlməsi şərait yaradıb.

“Bu qrupun sayı və onların ümumi sərvətinin həcmi valyuta məzənnələri və faiz dərəcələrinin əlverişli təsiri, həmçinin ticarətin Asiyaya yönəlməsi fonunda xammal məhsullarından, neft istisna olmaqla, gəlirlərin artması sayəsində yüksəlib”, – ekspertlər bildiriblər.

Hazırda Rusiyada 151 dollar milyarderi var.

Analitiklərin məlumatına görə, Moskva adətən milyarderlərin sayına görə dünyanın ilk 15 şəhəri sırasına daxil olur. Lakin bu il mövcud məlumatların məhdudluğu səbəbindən Moskva reytinqə daxil edilməyib.

Milyarderlərin sayına görə dünyanın ilk beş şəhəri isə Nyu-York, Honkonq, San-Fransisko, London və Sinqapur olub.musavat.com