Bir Məktəbin Səsi, Bir Xalqın Qüruru: Yolçubəyli Məktəbindən Müzəffər Ali Baş Komandana Səmimi Təbrik [xfgiven_qirmizi] [/xfgiven_qirmizi]
Sabirabad rayonunun Yolçubəyli kənd tam orta məktəbinin şagirdləri Müzəffər ali baş komandan İlham Əliyevin doğum gününü təbrik edib.
Bir məktəbin təbriki, bir məktəbin təşəkkürü, bir xalqın qüruru...
Bu gün məktəbimizdə Azərbaycan Respublikasının Prezidenti, Müzəffər Ali Baş Komandan cənab İlham Əliyevin doğum gününə həsr olunmuş tədbir keçirilmişdir. Tədbir çərçivəsində şagirdlərimizin dilindən dövlət başçımıza ünvanlanan səmimi təbrik və dərin təşəkkür məktubu səsləndirilmişdir.
Çıxışlarda cənab Prezidentin müdrik rəhbərliyi, ölkəmizin qazandığı tarixi Qələbə, Azərbaycanın beynəlxalq nüfuzunun artması, eləcə də təhsilə göstərilən xüsusi diqqət və qayğı böyük qürur hissi ilə qeyd olunmuşdur.
Xüsusilə Sabirabad rayon Yolçubəyli kənd tam orta ümumtəhsil məktəbinin köhnə binasının əvəzinə yeni, müasir məktəb binasının inşa olunması ilə bağlı verilmiş sərəncam kollektivimiz, şagirdlər və valideynlər üçün əsl sevinc və ümid mənbəyidir. Bu qərar təhsilə, uşaqların gələcəyinə göstərilən yüksək dövlət qayğısının bariz nümunəsidir.
Bu tədbir bizim üçün təkcə bir çıxış deyil, dövlətə sədaqətin, Prezidentə hörmət və minnətdarlığın ifadəsi olmuşdur.
Biz cənab Prezident İlham Əliyevlə fəxr edirik və bu diqqətə görə dərin təşəkkürümüzü bildiririk.
Bu cür tədbirlər gənc nəslin vətənpərvərlik ruhunda formalaşmasında, dövlətçilik dəyərlərinə bağlılığının möhkəmlənməsində mühüm rol oynayır. Yolçubəyli məktəbinin kollektivi və şagirdləri hər zaman ölkə başçısının həyata keçirdiyi uğurlu siyasəti dəstəklədiklərini, Azərbaycanın parlaq gələcəyi naminə daha əzmlə çalışacaqlarını qürur hissi ilə ifadə edirlər.
