Azərbaycan Respublikasının Prezidenti
İlham Əliyev cənablarına;
Azərbaycan Respublikasının Prezidentinin
Hərbi müşavirinə;
Surəti: Azərbaycan Respublikasının Müdafiə naziri,
general-polkovnik Zakir Həsənov cənabına
Surəti: Respublika Hərbi Prokuroruna

Hörmətli Prezident və ünvan sahibləri!
Redaksiyamıza Hacıqabul rayon Muğan kənd sakini Sultanov Rasim Ağasəlim oğlu
tərəfindən şikayət ərizəsi daxil olmuşdur. Şikayətçi ərizəsində qeyd edir ki, 2023-cü il ərəfəsində Məmmədova Naibə qohumu Rasim Ağasəlim oğlunu yanına çağıraraq onunla birlikdə Gəncə şəhərində yerləşən 777 saylı hərbi hissədə xidmət edən qardaşı övladı Həsən Məmmədovun yanına getməsini xahiş edir. Onlar birlikdə Gəncəyə yola düşürlər və əsgərin xəstə olduğunu rəhbərliyə xəbər verirlər və bundan sonra əsgər Həsən Məmmədov Bakı şəhər “Papanin” adına hərbi hospitala müalicə etdirilməsi üçün göndərilir. Rasim Sultanov və Naibə Məmmədova Azərbaycan Respublikası Müdafiə Nazirliyinin hərbi hospitalında baş-leytenant olaraq həkim vəzifəsində işləyən Tural Nəbiyevlə tanış olurlar. Tural Nəbiyev Həsən Məmmədovu müalicədən sonra hərbidən azad etdirəcəyinə söz verir və bunun üçün Rasim Sultanovdan pul istəyir. Rasim Sultanov Naibə Məmmədovanın vasitəçiliyi ilə Həsən Məmmədovun anası Afət Məmmədovadan aldığı 1500 (min beş yüz) və 600 (altı yüz) olmaqla 2100 (iki min yüz) AZN-i Tural Nəbiyevə verir. Bir-neçə dəfə Tural Nəbiyevin çağırışı ilə onun yanına gedən Rasim yenə də Naibə Məmmədovanın vasitəçiliyi ilə Həsən Məmmədovun anası Afət Məmmədovadan əlavə olaraq 400 (dörd yüz) AZN-də yol xərci üçün alır. Aradan aylar keçəndən sonra Rasim Sultanov Tural Nəbiyev tərəfindən aldadıldığını hiss edir. Naibə Məmmədova isə vasitəçilik edərək verdiyi 2500 manatı Rasim Sultanovdan tələb edir.
Jurnalist araşdırması zamanı aydın oldu ki, dələduzluqla məşğul olan baş leytenant Tural Nəbiyev təkcə Həsən Məmmədovun ailəsini deyil, işlədiyi müddət ərzində bir neçə adamı aldadaraq, sağlam gəncələrə xəstəlik kağızı vermək adıyla pul alır. Bütün bu deyilənlərə əyani sübut kimi özünü hərbi hospitalın sahibi sanan, oradakı əsgər və zabitlərlə, onların valideynləri ilə vecsiz şəkildə davranan, hətta onları aşağılayan, müxtəlif vədlər verərək pullarını mənimsəyən, özünü həkim kimi deyil, cinayətkarların başçısı kimi aparan baş leytenant Tural Nəbiyevlə ünsiyyətə girmək kifayət edir. Hətta əminik ki, araşdırma daha dərindən aparılsa, Tural Nəbiyevin xidmət etdiyi hospitalda çox sayda dələduzluğu aşkara çıxacaq. Və hətta redaksiya heyəti olaraq biz əminik ki, xəstəlik adıyla sağlam əsgərləri pul qarşılığında əlilliyə çıxaran Tural Nəbiyev bütün bu saxtalıqları təkbaşına etmir. Biz ona da əminik ki, bizim müraciətimizdən sonra ağ xalat əynində, şərəfli leytenant rütbəsi çiynində dolaşan Tural Nəbiyev barəsində geniş araşdırma aparılacaq, Tural və onun kimilərinin əməlləri üzə çıxacaqdır. Tural Nəbiyev və onun ətrafında toplaşan bir qrup dələduzlar bugünkü yaşayış şəraitimizdə, Qarabağ bölgəsində hələ ki, müharibənin başa çatmadığı bir dövrdə əsgərlərimizi pul xatirinə hərbi xidmətdən yayındıranlar mütləq şəkildə vətənə xəyanətdə ittiham edilməlidir.

Hörmətli Prezident və ünvan sahibləri!
Sizdən xahiş edirik ki, Gəncə şəhər 777 saylı hərbi-hissədə xidmət edən Həsən Məmmədovun anası Afət Məmmədovanın savadsızlığından və etibarından sui-istifadə edərək oğlu Həsəni xəstəlik adıyla hərbidən uzaqlaşdıracağına söz verən, buna görə də ailənin 2500 manat pulunu mənimsəyən “Papanin” adına hərbi hospitalıda həkim işləyən baş leytenant Tural Nəbiyevin və onun ətrafında toplaşan dələduzların əməllərinə ədalətli araşdırmadan sonra hüquqi qiymət verilməsi və aidiyyatı qurumlar qarşısında cavab verilməsinə, zərərçəkmişlərə dəyən 2500 AZN zərərin geri qaytarılmasına köməklik göstərəsiniz.
Əvvəlcədən Sizə minnətdarlığımızı bildiririk.
22.04.2024.


Baş redaktor: Ə.Təzəxanoğlu

Qoşma 1. Şəxsiyyət vəsiqəsinin surəti;
2. Şikayət ərizəsinin surəti;
Telefon: 051 755-62-26 Rasim Sultanov
050 583-91-87 / 050 680-40-88 Naibə Məmmədova
050 643-36-37 Tural Nəbiyev