Pressmedia.info xəbər verir ki, Sabirabad rayonunun Moranlı kənd ərazi icra nümayəndəsinin müavini vəzifəsində çalışmış Daşqın İbrahimov yeni qərara əsasən Moranlı kənd ərazi icra nümayəndəsi vəzifəsinə təyin olunub. Bu mühüm və məsuliyyətli vəzifəyə layiq görülməsi onun uzun illər ərzində göstərdiyi səmərəli fəaliyyətinin, dövlətə və dövlətçiliyə sədaqətinin, eləcə də vətəndaşlarla qurduğu səmimi münasibətin nəticəsi kimi qiymətləndirilir. Daşqın İbrahimov fəaliyyət göstərdiyi dövr ərzində kənd sakinlərinin problemlərinə həssas yanaşması, onların müraciətlərinə operativ reaksiya verməsi və ərazi üzrə sosial məsələlərin həllində göstərdiyi təşəbbüskarlıq ilə seçilib.

Pressmedia.info saytının rəhbərliyi və kollektivi Daşqın İbrahimovu Moranlı kənd ərazi icra nümayəndəsi vəzifəsinə təyin olunması münasibətilə səmimi qəlbdən təbrik edir, ona gələcək fəaliyyətində uğurlar arzulayır. İnanırıq ki, Daşqın İbrahimov bundan sonra da üzərinə düşən məsuliyyətli vəzifəni layiqincə yerinə yetirəcək, kəndin sosial-iqtisadi inkişafına töhfə verəcək və vətəndaş məmnuniyyətinin təmin olunması istiqamətində yeni uğurlara imza atacaq. Ona möhkəm can sağlığı, işlərində davamlı nailiyyətlər və gələcək fəaliyyətində yeni-yeni uğurlar arzulayırıq.