Peşəsinə Sadiq, Xalqına Məhrəm – Professor Davud Pənahovun İnsanlıq Manifesti [xfgiven_qirmizi] [/xfgiven_qirmizi]
Azərbaycan Tibb Universitetinin cərrahiyyə kafedrasının tanınmış simalarından biri olan tibb elmləri doktoru, professor Davud Pənahov uzun illərdir ki, peşəsini sadəcə iş yeri kimi deyil, həyat missiyası kimi daşıyan, insanlara yalnız əlilə deyil, qəlbilə toxunan bir həkim olaraq tanınır. O, cərrahiyyə sahəsində qazandığı böyük təcrübəni hər gün əməliyyat masasında tətbiq etməklə yanaşı, gənc həkimlərlə, tələbələrlə bölüşərək həkimlik fəlsəfəsini davam etdirir. Onu tanıyan hər kəs bir fikirdə yekdildir — Davud müəllim həmişə ilk növbədə insanı görür, sonra xəstəliyi.
O, yüzlərlə ağır əməliyyatın arxasında duran şəxsdir, amma heç zaman uğurlarını dilə gətirməz. Çünki onun üçün əsas olan nəticə deyil, xəstə qapıdan çıxarkən “Allah sizdən razı olsun” deməsidir. Xəstələr deyir ki, Davud həkimin qəbuluna girəndə qorxu yox olur, çünki o, əvvəlcə diaqnoz qoymur, əvvəlcə insanı dinləyir. Bu sadə görünən, amma əslində böyük peşəkarlıq tələb edən yanaşma onun fərqini açıq göstərir.
Professor Pənahov təkcə mütəxəssis kimi deyil, bir vətəndaş kimi də hər zaman ön sıradadır. Vətən müharibəsindən sonra yaralanmış qazilərə könüllü tibbi dəstək göstərməsi, şəhid ailələrinin qapısını döyüb onları dinləməsi, əməliyyat üçün müraciət edənlərdən heç bir zaman “maddi imkanın varmı” deyə soruşmaması onun həkimlik andının nə qədər səmimi olduğunu sübut edir. O, dəfələrlə deyib ki, “Vətən üçün canından keçənlərin ailəsinə xidmət etmək mənim borcumdur, bu işə təşəkkür istəmirəm”. Bu sözlər təsadüfi deyil, Davud Pənahov üçün həkimlik vicdanla yerinə yetirilən ən müqəddəs xidmətdir.
Bu gün ölkəmizdə səhiyyənin sürətlə inkişaf etməsi, yeni xəstəxanaların inşası, müasir tibbi avadanlıqların gətirilməsi, həkimlərin sosial müdafiəsinin gücləndirilməsi Prezident Cənab İlham Əliyevin səhiyyə sahəsinə göstərdiyi diqqətin nəticəsidir. Professor Pənahov bu siyasətin ən sadiq dəstəkçilərindən biridir və fəaliyyətində dəfələrlə göstərib ki, dövlətin yaratdığı bu imkanlardan maksimum faydalanaraq xalqına daha yüksək səviyyədə xidmət edir. Onun fikrincə, dövlət həkim üçün şərait yaradırsa, həkim də qarşılığında xalqa sədaqətlə xidmət etməlidir — və o, bu prinsipə ömrü boyu sadiq qalıb.
Onu tanıyan həmkarları deyir ki, Davud müəllimin otağı heç vaxt boş olmur — yanında ya bir tələbə olur sual verir, ya bir gənc həkim məsləhət alır, ya da bir xəstə yaxınlaşır “məni bir də dinləyin” deyir. O isə heç birini geri çevirmir. Çünki o, təkcə öz peşə təcrübəsini yox, insanlıq dərsini də paylaşmağı bacarır. Məhz buna görə o, bu gün yalnız böyük cərrah kimi deyil, böyük insan kimi hörmət qazanıb.
Professor Davud Pənahovun adı bu gün tibb cameəsində etibar, vicdan və mərhəmət anlayışları ilə yanaşı çəkilir. Həyatını minlərlə insanın sağlamlığına həsr edən belə şəxslər sayəsində həkimlik peşəsi hələ də cəmiyyətin gözündə ən uca zirvədə dayanır. Ona görə də onun haqqında deyilən ən doğru cümlə budur: o, peşəsinin yox, xalqının professorudur.
