“Kimsə Qara Piarla Kölgə Sala Bilməz – Fuad Rəhmanovun Fəaliyyəti Faktlarla Danışır”

Son günlər bəzi xəbər portallarında Saatlı rayon Azadkənd bələdiyyəsinin sədri Fuad Rəhmanov barəsində yayılan əsassız iddia və böhtan xarakterli yazılar ictimaiyyətdə çaşqınlıq yaratmaq məqsədi daşıyır. pressmedia.info olaraq bildiririk ki, bu cür qərəzli məlumatlar reallığı əks etdirmir və heç bir hüquqi-sənədli əsasa söykənmir.

Əksinə, Fuad Rəhmanov fəaliyyətə başladığı gündən etibarən Azadkənd bələdiyyəsində şəffaflıq, ictimai nəzarət və sosial istiqamətli xidmət modelini tətbiq edən nümunəvi yerli özünüidarə rəhbərlərdən biridir. Onun təşəbbüsü ilə kəndin infrastrukturunda ciddi dəyişikliklər baş verib – yolların təmiri, məhəllədaxili işıqlandırma xətlərinin yenilənməsi, su təminatının yaxşılaşdırılması istiqamətində davamlı işlər görülüb.

Fuad Rəhmanov mütəmadi olaraq səyyar qəbullar keçirərək vətəndaşların müraciətlərini yerində dinləyir, qaldırılan problemlərin operativ həllini təmin edir. Xüsusilə şəhid ailələri və müharibə qaziləri onun üçün həssas qrup olaraq daim diqqət mərkəzindədir. Təkcə sosial yardım deyil, həm də mənəvi dəstək göstərir, onların hər bir tədbirində şəxsən iştirak edir.

Bələdiyyə sədri kimi o, heç vaxt vətəndaşla məsafə saxlamır, əksinə xalqın içində olan, qapısı hər kəsin üzünə açıq olan rəhbər obrazı formalaşdırıb. Bu səbəbdən, barəsində yazılan böhtan xarakterli iddiaların yeganə məqsədi görülən real işləri kölgəyə salmaq, şəxsi maraqlara xidmət edən sifarişli kampaniya yaratmaqdır.

pressmedia.info olaraq bildiririk ki, biz hər zaman ədalətli mövqeyimizi qoruyacağıq və reallığı təhrif edən, sübutu olmayan məlumatların yayılmasına qarşıyıq. Əgər kiminsə iradı və ya iddiası varsa, onu mediada qara piar yolu ilə deyil, hüquqi müstəvidə, sənədlərlə sübut etməlidir.

Bu gün Saatlı rayonunda Azadkənd bələdiyyəsinin fəaliyyəti əhali tərəfindən yüksək qiymətləndirilirsə, bu, hər şeydən əvvəl Fuad Rəhmanovun vicdanla, dövlətə və xalqa sədaqətlə xidmət etməsinin nəticəsidir.

Biz böhtanı deyil, faktları əsas götürürük. Fakt isə budur:
Azadkənddə iş var, inkişaf var, xalqın etimadını qazanan rəhbərlik var!