Alim Hüseynov – Moranlı kəndində inkişafın, vətəndaş məmnunluğunun və dürüst rəhbərliyin simasıdır [xfgiven_qirmizi] [/xfgiven_qirmizi]
Moranlı kəndində inkişafın siması – Alim Hüseynov
Sabirabad rayonunun Moranlı kəndində bələdiyyə sədri kimi fəaliyyət göstərən Alim Hüseynov öz peşəkarlığı, vətənpərvərliyi və xalqa xidmət missiyası ilə seçilən nümunəvi rəhbərlərdən biridir. Onun rəhbərliyi dövründə kənddə aparılan işlər, həyata keçirilən layihələr və ən əsası, vətəndaşların məmnunluğu bu gün Moranlını inkişaf yoluna çıxaran əsas göstəricilərdən sayılır.
Alim Hüseynov hər zaman xalqın içində olan, onların dərdini, problemini dinləyən və ən əsası, onları süründürmədən həll etməyə çalışan rəhbərdir. O, verilən tapşırıqları böyük məsuliyyətlə və şərəflə yerinə yetirir. Moranlı kəndində yolların düzəldilməsi, kanalların və kollektorların lillərdən, kol-kosdan təmizlənməsi, kəndin infrastruktur problemlərinin aradan qaldırılması onun rəhbərliyi altında həyata keçirilən mühüm işlərdəndir. Bu işlər təkcə kəndin görünüşünə dəyişiklik gətirmir, həm də insanların gündəlik həyatını asanlaşdırır, kənd təsərrüfatında məhsuldarlığın artmasına şərait yaradır.
Bələdiyyə sədri Alim Hüseynov üçün ən önəmli məsələ vətəndaş məmnunluğudur. Moranlı sakinləri dəfələrlə bildiriblər ki, onların müraciətləri cavabsız qalmır, hər bir problem ən qısa zamanda öz həllini tapır. Bu da onun rəhbər kimi dürüstlüyünü, insanlara sevgisini və kəndin inkişafı üçün yorulmadan çalışdığını bir daha sübut edir.
Xüsusilə qeyd edilməlidir ki, Alim Hüseynov şəhid ailələrinə, qazilərə göstərilən diqqət və qayğı ilə də hər kəsin hörmətini qazanıb. Onların ehtiyac duyduğu problemlərin aradan qaldırılması, maddi və mənəvi dəstək göstərilməsi onun rəhbərliyinin ən dəyərli tərəflərindən biridir. Çünki şəhid ailələrinə və qazilərə sahib çıxmaq, onların yanlarında olmaq böyük bir vətəndaşlıq borcudur və Alim Hüseynov bu borcu şərəflə yerinə yetirir.
Moranlı kəndində bu gün həyata keçirilən abadlıq işləri, təmizlənən kanallar, düzəldilən yollar və digər inkişaf tədbirləri bir daha göstərir ki, Alim Hüseynov kəndin gələcəyinə böyük ümidlə baxır və xalqına ləyaqətlə xidmət edir.
Bu gün Moranlı kənd sakinləri arxayınlıqla deyə bilirlər ki, onların etimad göstərdiyi bələdiyyə sədri kəndin rifahı, inkişafı və sabahı üçün bütün gücünü sərf edir. Alim Hüseynov öz işgüzarlığı, sadəliyi, dürüstlüyü və vətənpərvərliyi ilə xalqın qəlbində xüsusi bir yer tutub.
