Vüqar müəllim: “Mehriban Əliyeva - Azərbaycan xalqının sevgisi və etimadının simvolu” [xfgiven_qirmizi] [/xfgiven_qirmizi]
Qızılhacılı qəsəbəsində yerləşən Mehman Nazarov adına Uşaq Musiqi Məktəbinin direktoru Vüqar müəllim - Bu gün Azərbaycanın Birinci vitse-prezidenti, Heydər Əliyev Fondunun prezidenti Mehriban Əliyevanın doğum günüdür. Vətənə və xalqa xidmət ideyalarını həyat amalına çevirən Mehriban xanım, mərhəməti, şəfqəti və nəcibliyi ilə yalnız ölkəmizdə deyil, bütün dünyada milyonların rəğbətini qazanmışdır.
Onun fəaliyyəti milli-mənəvi dəyərlərin qorunması, sosial rifahın yüksəldilməsi, təhsil və səhiyyənin inkişafı, şəhid ailələri və qazilərə dəstək göstərilməsi istiqamətində aparıcı rol oynayır. Vətən müharibəsi zamanı Ordumuza verdiyi mənəvi dəstək, xalqımızı milli həmrəyliyə çağıran müraciətləri həmişə minnətdarlıqla xatırlanır.
Mehriban xanımın rəhbərliyi altında fəaliyyət göstərən Heydər Əliyev Fondu 21 ildən artıqdır ki, təhsil, səhiyyə, mədəniyyət, idman, ekologiya və digər sahələrdə uğurlu layihələr həyata keçirir. Fondun işləri Azərbaycanın beynəlxalq nüfuzunun artırılmasına, milli irsimizin qorunmasına və gənc nəsillərin formalaşmasına xidmət edir.
Bu gün biz Mehriban Əliyevanın insanlığa verdiyi töhfələri, yüksək ictimai-siyasi fəaliyyəti və Vətən qarşısındakı xidmətlərini bir daha dəyərləndiririk. Onun ömür yolu hər zaman vətəndaşların rifahına həsr olunmuşdur və bu xidmətlər gələcək nəsillər üçün nümunə olacaqdır.
Ad günün mübarək, Mehriban xanım! Siz Azərbaycan xalqının qəlbində əbədi sevgi və hörmətlə yaşayırsınız.
.jpg)
