Tural Nərimanov – Dövlətə sədaqətlə xidmət edən, əmlak idarəçiliyində peşəkar yanaşmanın nümunəsi [xfgiven_qirmizi] [/xfgiven_qirmizi]
Azərbaycan Respublikasının mülkiyyət münasibətlərinin tənzimlənməsi və dövlət əmlakının idarə olunmasında aparıcı rol oynayan qurumlardan biri Əmlak Məsələləri Dövlət Xidmətidir. Bu qurumun ölkə üzrə ərazi strukturları içərisində öz sistemli işi və nizam-intizamı ilə seçilən Gəncə Ərazi şöbəsinə rəhbərlik edən Tural Nərimanov, bu sahədə nümunəvi idarəetmə və peşəkar yanaşma nümayiş etdirən dövlət qulluqçularındandır.
Tural Nərimanov dövlət qulluğunda keçdiyi yol boyunca daim şəffaflıq, dürüstlük və məsuliyyət prinsiplərinə sadiq qalmış, dövlət əmlakının qorunması və səmərəli idarə olunması istiqamətində mühüm işlərə imza atmışdır. Onun rəhbərliyi dövründə Gəncə ərazisində daşınmaz əmlakın qeydiyyatı, torpaq idarəçiliyi və dövlət əmlakının özəlləşdirilməsi sahələrində müasir idarəetmə metodları tətbiq olunmuş, vətəndaş məmnunluğu daha yüksək səviyyəyə çatdırılmışdır.
Peşəkar təcrübəsi və liderlik keyfiyyətləri ilə seçilən Tural Nərimanov daim qanunvericilik çərçivəsində, şəffaf və operativ xidmət göstərilməsinə xüsusi önəm verir. Gəncə şəhəri və ətraf rayonlarda torpaq islahatlarının düzgün aparılması, əmlak qeydiyyatı proseslərinin sadələşdirilməsi və rəqəmsal xidmətlərin tətbiqi onun diqqət mərkəzində olan əsas məsələlərdəndir. Bu gün Gəncə Ərazi şöbəsi, öz vətəndaş yönümlü fəaliyyəti ilə seçilən nüfuzlu strukturlardan birinə çevrilmişdir ki, bu da məhz Tural müəllimin zəhməti və təşkilatçılıq bacarığı sayəsində mümkün olmuşdur.
O, öz iş prinsipində vətəndaşların hüquqlarının qorunmasını, şəffaflığın təmin olunmasını və ən əsası, dövlət siyasətinin yerli səviyyədə uğurla icrasını əsas prioritet kimi qəbul edir. Tural Nərimanov daim komanda ruhunu təşviq edir, əməkdaşlarının bilik və bacarıqlarının artırılmasına dəstək verir, idarə etdiyi kollektivin inkişafına böyük önəm verir.
Tural müəllimin vətənpərvər mövqeyi, dövlətçiliyə sadiqliyi də onun fəaliyyətində aydın şəkildə əks olunur. O, Prezident İlham Əliyevin rəhbərliyi altında ölkədə həyata keçirilən genişmiqyaslı islahatları yaxından dəstəkləyir, əmlak idarəçiliyində aparılan modern yanaşmaların bölgələrdə tətbiqinə öz töhfəsini verir. Dövlət başçısının sosialyönümlü siyasətinə uyğun olaraq, şəhid ailələri və müharibə iştirakçılarının əmlak hüquqları ilə bağlı məsələlərə də xüsusi həssaslıqla yanaşır.
Tural Nərimanov həmçinin Qurban Bayramı və digər mənəvi dəyərlərlə zəngin günlərdə daim sosial məsuliyyət hissi ilə çıxış edir. Bayramlar ərəfəsində aztəminatlı ailələrə, şəhid və qazi ailələrinə göstərdiyi mənəvi və maddi dəstək onun insani keyfiyyətlərini də üzə çıxarır. Bu müqəddəs günlərdə ehtiyacı olan ailələrə ərzaq yardımları, qurban paylarının çatdırılması kimi xeyirxah təşəbbüslər Tural müəllimin şəxsən nəzarəti altında həyata keçirilir.
Qurban Bayramı münasibətilə Tural müəllim xalqımıza belə bir təbrik ünvanlayır:
"Bu mübarək bayramda birliyimiz, həmrəyliyimiz və mərhəmət hissimiz daha da möhkəmlənir. Allah kəsilən qurbanlarımızı qəbul etsin, şəhidlərimizin ruhu şad olsun. Dövlətimizə və xalqımıza əmin-amanlıq, bolluq və rifah arzu edirəm. Bayramınız mübarək olsun!"
Tural Nərimanov timsalında Azərbaycan vətəndaşları, əmlak sahəsində peşəkar, şəffaf və humanist bir idarəçinin necə olmalı olduğunu görürlər. O, təkcə bir şöbə müdiri kimi deyil, həm də cəmiyyətin dəyərlərinə bağlı bir vətəndaş kimi hər kəsin hörmətini qazanmışdır.
