Maarifpərvər Direktor, Müstəqil Düşüncəli Rəhbər: Mais Məmmədovun Təhsilə Həsr Olunmuş Həyat Yolu
Sabirabad Gəncləri arasında "Ulu Öndər Heydər Əliyevin 102 illiyi"nə həsr olunmuş intellektual turnir keçirilib.
Sabirabad şəhəri Mikayıl Müşfiq adına 4 nömrəli tam orta ümumtəhsil məktəbində "Nə? Harada? Nə zaman?" formatında baş tutan bilik yarışında məktəbmizin şagirdlərindən ibarət 8 komanda iştirak etmişdir.
Tədbirin məqsədi şagirdlər arasında intellektual bacarıqları inkişaf etdirmək , Heydər Əliyevin həyat və fəaliyyəti haqqında bilikləri artırmaq və vətənpərvərlik ruhunu gücləndirmək idi.
Sonda 3 komandamız :
"Qarabağ" komandası - l yer
"Venera" komandası - ll yer
"4 Ulduz" konandası - III yerə layiq görülmüşlər????
Yarışın qalibləri müxtəlif hədiyyə, medallar və diplomlarla təltif olundular.
Qalib komandaları və iştirakçıları təbrik edir, gələcək işlərində uğurlar diləyirik !
Qeyd edək ki, turnir Gənclərin İnkişaf və Karyera Mərkəzinin Mil-Muğan regional nümayəndəliyi və Sabirabad Heydər Əliyev Mərkəzinin birgə təşkilatçılığı ilə keçirilib.
Sabirabad şəhəri Mikayıl Müşfiq adına 4 nömrəli tam orta ümumtəhsil məktəbinin məktəbdənkənar və sinifdənxaric tərbiyə işi üzrə təşkilatçı Dilşad Ağayevanın rəhbərliyi ilə məktəbin lll sinif şagirdləri və onların sinif rəhbərlərinin təşkilatçılığı ilə Sabirabad şəhər Heydər Əliyev muzeyinə ekskursiya ediblər. Ekskursiyanın məqsədi Ümummilli Lider Heydər Əliyevin 102-ci ildönümü ilə bağlı onun həyat və fəaliyyətini daha yaxından tanıtmaq olub.
Mərkəzdə şagirdlərə bələdçi tərəfindən Heydər Əliyevin həyatı və yaradıcılığı haqqında ətraflı məlumat verilib. Şagirdlər maarifləndirici film izləyib, fotoşəkillərə baxaraq liderin keçdiyi həyat yolu ilə tanış olublar. Ekskursiya zamanı şagirdlərə həm əyləncəli , həm də öyrədici məlumatlar təqdim olundu. 
Azərbaycanın təhsil sahəsində özünəməxsus xidməti və təşkilatçılığı ilə seçilən direktorlar sırasında Mais Məmmədov xüsusi hörmət və nüfuz qazanmış simalardan biridir. O, hazırda Sabirabad şəhəri Mikayıl Müşfiq adına 4 nömrəli tam orta ümumtəhsil məktəbinin direktoru vəzifəsində çalışmaqla yanaşı, həm də pedaqoji idarəçiliyin uğurlu nümunəsini yaradan, müasir düşüncəli və milli-mənəvi dəyərlərə sadiq bir təhsil rəhbəridir.
Maarifçilik ənənələrinə sədaqət və müasir baxış
Mais Məmmədovun rəhbərliyi altında məktəb təlim-tərbiyə sahəsində ciddi irəliləyişlərə nail olmuş, həm müəllim heyətinin peşəkarlıq səviyyəsi, həm də şagirdlərin təhsil göstəriciləri baxımından nümunəvi bir təhsil müəssisəsinə çevrilmişdir. O, təhsil sistemində təkcə idarəçi kimi yox, maarifçi ziyalı kimi də öz mövqeyini qoruyur.
Rəhbərlik etdiyi məktəbdə intizam, səmərəli dərs metodikası və yeni təlim texnologiyalarının tətbiqi əsas prioritetlərdən biri kimi dəyərləndirilir. Eyni zamanda, Mais müəllim dövlət proqramlarına uyğun islahatların yerli miqyasda uğurla tətbiqinə xüsusi önəm verir.
Şəhid ailələrinə, qazilərə və ehtiyaclı şagirdlərə xüsusi diqqət
Mais Məmmədovun rəhbərliyi ilə məktəbdə şəhid ailələrindən olan şagirdlərə və qazilərimizin övladlarına diqqət və qayğı ilə yanaşılır. Onların sosial rifahı, psixoloji vəziyyəti və təhsil imkanları daim nəzarətdə saxlanılır. O, dəfələrlə şəhid ailələrini ziyarət etmiş, onların ehtiyaclarını qarşılayaraq dövlət-vətəndaş birliyinin məktəbdəki real təcəssümünü nümayiş etdirmişdir.
Cəmiyyətlə açıq münasibət və müəllim-məzun birliyi
Mais Məmmədov məktəbin ictimai nüfuzunun artırılmasına, valideynlərlə qarşılıqlı əlaqənin gücləndirilməsinə və şəffaf idarəetmənin tətbiqinə böyük önəm verir. Onun təşəbbüsü ilə keçirilən məzun gecələri, ictimai tədbirlər və maarifləndirici layihələr məktəbin adının rayon səviyyəsində tanınmasında mühüm rol oynamışdır.
Nəticə və nümunə
Bugün Sabirabad şəhərində Mikayıl Müşfiq adına 4 nömrəli məktəb təkcə təhsilin deyil, dəyərlərin, vətəndaşlığın, intellektin və insaniyyətin yetişdiyi bir ocaqdır. Bütün bunlar isə Mais Məmmədovun prinsipiallığı, fədakarlığı və maarifpərvər mövqeyi sayəsində mümkün olub.
