15 iyun – Şəhid Əliyev Mirzağa Məmmədbağır oğlunun anım günüdür [xfgiven_qirmizi] [/xfgiven_qirmizi]
Bu gün 15 iyun – Şəhid Əliyev Mirzağa Məmmədbağır oğlunun anım günüdür. O, 15 iyun 1996-cı il tarixdə Neftçala rayonunun Xıllı qəsəbəsində anadan olmuşdur.
2002-2011-ci illərdə Xıllı qəsəbəsində R.Gözəlov adına 1 saylı tam orta məktəbdə, 2011-2014-cü illərdə isə Cəmşid Naxçıvanski adına Hərbi Liseydə təhsil almışdır.
Mirzağa Əliyev 2018-ci ildən Azərbaycan Silahlı Qüvvələrinin Beyləqan rayonunda yerləşən “N” saylı hərbi hissəsində leytenant hərbi rütbəsində tağım komandiri vəzifəsində xidmət etmişdir.
II Qarabağ müharibəsində (27 sentyabr 2020 – 10 noyabr 2020) o, Füzuli və Cəbrayıl rayonlarının azadlığı uğrunda gedən döyüşlərdə iştirak etmiş, cəsurluğu, igidliyi ilə fərqlənmişdir.
7 oktyabrda Cəbrayıl rayonu istiqamətində döyüş tapşırığını yerinə yetirən zaman Ermənistan Ordusunun canlı qüvvəsini məhv edib, geri qayıdarkən onun özünün və döyüş yoldaşlarının olduğu piyadaların döyüş maşını ermənilər tərəfindən vurulmuşdur. Mirzağa Əliyev 2 döyüş yoldaşını maşından çıxarsa da, özü qəhrəmancasına şəhid olur.
Neftçala rayonunda dəfn olunmuşdur.
Mirzağa Əliyev göstərdiyi qəhrəmanlıqlara görə “Vətən uğrunda”, “Cəbrayılın azad olunmasına görə”, “Füzulinin azad olunmasına görə” medalları və “Azərbaycan Bayrağı” ordeni ilə təltif edilmişdir.
Allah rəhmət eləsin!
