Donald Tramp Volodimir Zelenskinin Rusiyanın enerji atəşkəsini pozması iddialarını faktiki olaraq rədd etdi.

Bu barədə Clash Report məlumat yayıb.

ABŞ prezidenti bildirib ki, "atəşkəs bazar günündən bazar gününə qədər davam etdi və Putin sözünə əməl etdi". O hesab edir ki, "atəşkəs bitdi və Putin güclü zərbə vurdu. Bir həftə uzun müddətdir və biz istənilən atəşkəsi alqışlayırıq".

Xatırladaq ki, Ukrayna prezidenti Volodimir Zelenski əvvəllər Rusiyanın dünən gecə enerji atəşkəsini dayandırmaqla razılaşmaları pozduğunu bildirmişdi, baxmayaraq ki, onun sözlərinə görə, atəşkəs cümə gününə qədər davam etməli idi. Lakin Tramp Kremlin mövqeyini təsdiqləyərək, atəşkəsin əslində 1 fevral bazar gününə qədər davam etdiyini iddia etdi.