Vəzifəsini Şərəflə yerinə yetirən qadın - Tofiqə Məmmədova
Müdriklər demişkən, “xalq üçün, vətən üçün yaşanan ömür əsl insan ömrüdür”. Belə insanların ömrü çətin, mənalı və şərəfli olur, başı həmişə el içində uca olur. Onlar öz xoşbəxtliyini, səadətini, varlığını vətənə, xalqa ləyaqətlə xidmətdə görür. Belə insanlar öz xalqının, millətinin mənəvi siması, genefondudur desək səhv etmərik. Tam məsuliyyət və qürurla deyə bilərik ki, belə insanlardan biri də sözün həqiqi mənasında, gözəl insan, Bərdə şəhər Milli Qəhrəman Elgiz Kərimov adına 4saylı tam orta məktəbinin direktoru Tofiqə Məmmədovadır.
Bərdə şəhər Milli Qəhrəman Elgiz Kərimov adına 4saylı tam orta məktəbinin direktoru Tofiqə Məmmədova qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Tofiqə Məmmədovanın diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Tofiqə Məmmədova səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, Bərdə şəhər Milli Qəhrəman Elgiz Kərimov adına 4saylı tam orta məktəbinin direktoru Tofiqə Məmmədovaya biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
Bərdə şəhər Milli Qəhrəman Elgiz Kərimov adına 4saylı tam orta məktəbinin direktoru Tofiqə Məmmədova - Dekabr ayının 15-də Yeni Azərbaycan Partiyasının İdarə Heyətinin genişləndirilmiş iclasında 2024-cü ilin 7 fevral tarixində ölkəmizdə keçiriləcək növbədənkənar Prezident seçkilərinə namizədi irəli sürülüb. Növbədənkənar prezident seçkilərinin Azərbaycan tarixində ilk dəfə olaraq ölkəmizin ərazi bütövlüyünün təminatı suverenliyimizin bərpası fonunda keçirilməsi böyük tarixi önəm kəsb edir.
Prezident İlham Əliyev uğurlu siyasi kursunun nəticəsi olan iqtisadi yüksəliş uzun illər formalaşdırmış ictimai-siyasi, sosial-iqtisadi və ölkənin hərbi qüdrətinin artırılmasına yönəldilib. Məhz Prezident İlham Əliyevin diplomatik məharəti və strateji addımları, şanlı Azərbaycan ordusunun gücü və xalqımızın birliyi sayəsində 44 gün davam edən Vətən müharibəsi böyük qələbə ilə nəticələndi. Artıq ərazi bütövlüyümüz tam bərpa edilib. Azərbaycan xalqı müzəffər Ali Baş Komandanın və ordusunun ətrafında dəmir yumruq kimi sıx birləşərək gələcək taleyində dönüş nöqtəsi yaratdı. 2020-ci il noyabrın ayının onunda Prezident İlham Əliyev tarixi bəyanatın imzalanmasına nail olmaqla Azərbaycanın siyasi və iqtisadi suverenliyini təmin etdi. İşğaldan azad edilmiş ərazilərdə, bütövlükdə isə xalqımızın taleyində yeni bir şanlı səhifə açıldı.
Dövlət başçısının qətiyyətli və praqmatik siyasət kursu Azərbaycanın post müharibə mərhələsindəki gündəliyini yeni reallıqlara və çağırışlara uyğunlaşdırdı. Bu gün işğaldan azad edilmiş Qarabağ sürətlə bərpa olunur. Bu yerlərə yenidən həyat qayıdır, minalardan təmizlənmiş ərazilərdə zəruri infrastruktur quruculuğu həyata keçirilir. Bu ərazilər yaşıl enerji zonası elan edilib. Zəngilanda həyata keçirilən ağıllı kənd, ağıllı şəhər layihələri, azad edilmiş şəhərlərimizin baş planlarının hazırlanması və bu kimi fəaliyyətlər çox yaxın gələcəkdə Qarabağın cənnətə çevriləcəyinə böyük inam yaradır.
Prezident İlham Əliyevin qarşıya qoyduğu prioritet vəzifələrdən biri də ölkəmizin müəllifi olduğu yeni reallıqların dünya miqayasında qəbul edilməsi idi. Artıq biz buna nail olmuşuq. Prezident İlham Əliyevin rəhbərliyi ilə həyata keçirilən xarici siyasət və nəticəyə hesablanmış diplomatik addımlar Azərbaycanın BMT, Avropa Şurası, ATƏT, NATO və bütün digər nüfuzlu beynəlxalq təşkilatların yüksək tribunasından daha qətiyyətlə çıxış etməsi və bir çox məsələlərdə beynəlxalq aləmin onun rəyinə hörmətlə yanaşması üçün münbit şərait yaradıb. Dünyanın bir çox dövlətlərində baş verən neqativ hadisələr-müharibə və münaqişələr fonunda Azərbaycan Prezidentinin yürütdüyü müstəqil konstruktiv siyasətin bəhrəsini hər bir siyasi qərarda görürük. Bu gün beynəlxalq ictimaiyyət Qarabağı azərbaycanın suveren ərazisi kimi tanıyır və əzəli torpaqlarımızda həyata keçirilən bərpa quruculuq işlərinə böyük maraq göstərir.
Bəli, dövlət başçısının daxili və xarici siyasətdə irəli sürdüyü bütün strateji gedişlər, böyük zəhmətin nəticəsi olan uğurlar, Azərbaycan vətəndaşının maraqlarının təmin olunmasına, onun rifah halının daha da yaxşılaşdırılmasına xidmət edir.
Təsadüfi deyil ki, sonuncu prezident seçkilərindən ötən illlər ərzində Prezident İlham Əliyev tərəfindən müxtəlif istiqamətlərdə olduğu kimi sosial sahədə də nəticə yönümlü addımlar atılıb. Sosial inqilab xarakterli qərarlar demək olar ki, əhalinin bütün təbəqələrini əhatə edib. Şəhid ailələrinə, məcburi köçkünlərə, tələbələrə, əlilliyi olan şəxslərə verilən müavinətlər, minimum əmək haqqı pensiyalar artırılıb. Uğurla həyata keçirilən sosial islahatlar paketi milyonlarla vətəndaşının rifahının ciddi şəkildə yaxşılaşmasına imkan yaradıb. Bütün bunlar isə bir daha “Mən bütün Azərbaycan xalqının, hər bir Azərbaycan vətəndaşının Prezidentiyəm” - deyən İlham Əliyevin sözünün imzası qədər dəyərli olduğunu sübuta yetirir.
Bu mənada əminliklə deyə bilərik ki, Azərbaycan vətəndaşlarının qarşıdan gələn növbədənkənar prezident seçkilərində bir seçimi var və o da İlham Heydər oğlu Əliyevdir.
