Nizami müəllim: Ordumuzun Zəfər yürüşü
Nizami müəllim Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir.
Xızı Telekommunikasiya Qovşağının rəisi Nizami müəllim qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Nizami müəllimin diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Nizami müəllim səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, Xızı Telekommunikasiya Qovşağının rəisi Nizami müəllimə biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
Xızı Telekommunikasiya Qovşağının rəisi Nizami müəllim Ulu Öndər Heydər Əliyev siyasi kursunu daima dəstəkləmiş və bu uğurlu siyasətin layiqli davamçısı, Müzəffər Ali Baş Komandan, Prezident İlham Əliyevin yürütdüyü daxili və xarici siyasətinə dəstək olmuşdur. Nizami müəllim - “Əl tutmaq Əlidən qalıb” atalar məsəlini həmişə sadiq olaraq, fəaliyyəti göstərdiyi dövrdə hər zaman şəhid ailələri, müharibə əlillərinə, aztəminatlı ailələrə maddi və mənəvi dəstəyini əsirgəməmişdi.
Xızı Telekommunikasiya Qovşağının rəisi Nizami müəllim - Prezident, Müzəffər Ali Baş Komandan İlham Əliyevin rəhbərliyi ilə rəşadətli Azərbaycan Ordusu 2020-ci il sentyabrın 27-də başlanan 44 günlük Vətən müharibəsində tarixi Zəfər qazandı. Böyük sevinc və qürur hissi ilə hər günü bir əsrə bərabər olan İkinci Qarabağ müharibəsinin 4-cü ildönümünü – 8 Noyabr - Zəfər Gününü təntənəli şəkildə qeyd edirik.
Müzəffər ordumuz 44 gün ərzində döyüş meydanında bütün dünyaya öz gücünü göstərdi və qəhrəmanlıqla savaşaraq möhtəşəm qələbə qazandı. Ali Baş Komandanın qətiyyətli mövqeyi, ordumuzun rəşadəti və xalqımızın həmrəyliyi nəticəsində düşmənin müqaviməti qırıldı və 8 noyabr şanlı tariximizə Zəfər Günü kimi yazıldı. Qarabağın tacı, ölkəmizin ən dilbər guşələrindən biri olan Şuşa mənfur düşmən tapdağından qurtuldu. Şuşa şəhərinin azad edilməsi dünya hərb tarixinə düşən unikal hərbi əməliyyatlardan oldu.
Müharibə zamanı hər gün Azərbaycan Ordusu irəli gedirdi, hər gün yeni şəhərlər, kəndlər, qəsəbələr, yüksəkliklər azad edilirdi. Qəhrəman əsgər və zabitlərimiz bir amalla vuruşurdu ki, işğala son qoyulsun və tarixi ədalət Zəfər çalsın.
Azərbaycanın çoxəsrlik tarixinə qızıl hərflərlə yazılan Qarabağ Zəfəri Müzəffər Ali Baş Komandan İlham Əliyevin Sərkərdəliyi, qəhrəman əsgər və zabitlərimizin qanı və canı bahasına qazanılıb. Bu möhtəşəm Qələbə, eyni zamanda, xalq-iqtidar birliyinin təntənəsi oldu, Azərbaycanın hərbi-iqtisadi gücünü dünyaya nümayiş etdirdi. Bu gün isə Qarabağın yaraları sağalır, bu yerlərə yeni həyat qayıdır. İşğaldan azad edilmiş bütün ərazilərimizdə quruculuq işləri surətlə davam etdirilir.
Prezident İlham Əliyevin 2020-ci il 3 dekabr tarixli Sərancamı ilə milli qürurumuzun təntənəsinə çevrilən, dövlətimizin nüfuzu və gələcək inkişafı baxımından müstəsna əhəmiyyət kəsb edən bu misilsiz Qələbənin əbədiləşdirilməsi məqsədilə hər il noyabrın 8-i Azərbaycan Respublikasında Zəfər Günü kimi təntənəli şəkildə qeyd edilməsi qərara alınıb.
Nəticə olaraq, Zəfər Gününün mahiyyəti Azərbaycanın dövlət müstəqilliyinin, milli birliyinin və ərazi bütövlüyünün bərpasında önəmli bir mərhələni ifadə edir. Bu gün, xalqın tarixi yaddaşında Qələbənin, ədalətin və milli ruhun əbədi yaşadılacağı bir simvol kimi əhəmiyyətlidir.
