Xalid Musayev: Qarabağ Zəfəri: Cənubi Qafqazın geosiyasi taleyini həll edən tarixi amil
Xalid Musayev Azərbaycan dövlətinə sədaqəti, yüksək peşəkarlığı və öz işində hər zaman nümayiş etdirdiyi prinsipiallığı ona göstərilmiş bu yüksək etimadı qazanmaq və doğrultmaq üçün kifayət edə biləcək bir səviyyədədir.
Laçın rayon Yol İstismar İdarəsinin müdiri Xalid Musayev qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Xalid Musayevin diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Xalid Musayev səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, Laçın rayon Yol İstismar İdarəsinin müdiri Xalid Musayevə biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
Laçın rayon Yol İstismar İdarəsinin müdiri Xalid Musayev - 8 noyabr 2020-ci il tarixində İkinci Qarabağ müharibəsində əldə edilən möhtəşəm Qələbə Azərbaycan üçün təkcə ərazi bütövlüyünün bərpasını deyil, həm də ölkənin siyasi imicini möhkəmləndirən bir dönüş nöqtəsi oldu.
Zəfər Azərbaycan xalqını və dövlətini birləşdirən mühüm bir simvola çevrildi. Bu Qələbə ölkədə milli birliyi möhkəmləndirdi. Prezident İlham Əliyevin Liderliyi ilə qazanılan bu uğur yeni nailiyyətlərə yol açdı.
Qələbə Azərbaycanın beynəlxalq arenada mövqeyini gücləndirdi. Rəşadətli ordumuz ölkəmizin ərazi bütövlüyünü bərpa etməklə beynəlxalq hüquqa sadiqliyini sübut etdi və bu, Azərbaycanın haqq işini dəstəkləyən dövlətlərin sayının artmasına səbəb oldu. Bu siyasi uğur Azərbaycanı regionda güclü və söz sahibi ölkə kimi təsdiqlədi.
Azərbaycan sülh prosesinə üstünlük verərək diplomatik həll yolları təklif edir və bu, həm regionda, həm də beynəlxalq səviyyədə müsbət qarşılanır.
Türkiyə və Azərbaycan arasında strateji tərəfdaşlıq Zəfər Günündən sonra daha da gücləndi. Bu qardaşlıq münasibətləri digər türk ölkələri ilə əlaqələrin inkişafına da təkan verdi. Azərbaycanın Qələbəsi türk dünyasında birlik və əməkdaşlıq ruhunu gücləndirdi və Türk Dövlətləri Təşkilatı daxilində ölkəmizin mövqeyini daha da möhkəmləndirdi.
Qələbə Cənubi Qafqazda yeni bir siyasi reallıq yaratdı. Azərbaycan sülh və əməkdaşlıq təşəbbüsləri ilə çıxış edir. Bu da Azərbaycanın bölgədəki siyasi nüfuzunu və liderlik rolunu artırır.
Qarabağın işğaldan azad olunması müsəlman ölkələri arasında da Azərbaycana böyük dəstək və hörmət qazandırdı. Müsəlman ölkələri Qarabağın azad edilməsini İslam irsinə qayğı kimi dəyərləndirir və Azərbaycanın İslam dünyasında mövqeyi möhkəmlənir.
Nəticə olaraq, Zəfər Azərbaycanın siyasi nüfuzunun artmasına, beynəlxalq əlaqələrinin genişlənməsinə və regional sabitliyin təmin edilməsinə əhəmiyyətli töhfə verən tarixi hadisədir.
10 noyabr 2020-ci il tarixdə imzalanan üçtərəfli Bəyanatın strateji əhəmiyyəti Azərbaycanın ərazi bütövlüyünün təmin edilməsindən başlayaraq, Cənubi Qafqazda yeni təhlükəsizlik və iqtisadi nizamın formalaşmasına qədər uzanan genişmiqyaslı təsirləri əhatə edir. Bəyanat regional güc balansını dəyişdirərək strateji mövqeləri yenidən müəyyənləşdirdi və bölgədə yeni bir əməkdaşlıq çərçivəsi yaratdı.
Üçtərəfli Bəyanat həm Azərbaycana, həm də regiondakı digər ölkələrə hərbi risklərin azalması və təhlükəsizlik mühitinin yaxşılaşması baxımından strateji imkanlar qazandırır.
Bəyanat, Azərbaycanın əsas hissəsi ilə Naxçıvan arasında Zəngəzur dəhlizinin açılmasını nəzərdə tutur. Bu dəhliz, Azərbaycanla Türkiyə arasında birbaşa əlaqəni təmin etməklə yanaşı, bölgədə yeni nəqliyyat marşrutları yaradır və Cənubi Qafqazı Avrasiya ticarət yollarının vacib mərkəzlərindən birinə çevirir. Bu marşrutlar Çin, Orta Asiya və Avropa arasında əlaqələri asanlaşdıraraq Azərbaycanın tranzit potensialını artırır. Bu əməkdaşlıq, Azərbaycanın müttəfiqləri ilə daha da sıx əlaqələr qurmasını təmin edir və onun regional təhlükəsizlik strukturlarında rolunu gücləndirir.
Bəyanat həm də regionda iqtisadi inteqrasiya üçün yeni imkanlar yaradır. Bu, Cənubi Qafqazda yeni əməkdaşlıq modellərinin inkişafına və hər üç ölkə üçün strateji əhəmiyyətli iqtisadi fayda təmin olunmasına şərait yaradır.
Cənubi Qafqazda yeni geosiyasi nizam yaranmaqdadır. Bu nizam regionda uzunmüddətli sülhün təmin edilməsinə və yeni əməkdaşlıq platformalarının qurulmasına şərait yaradır.
