Gözəl pedaqoq, nüfuzlu rəhbər, dəyərli ziyalı, ləyaqətli insan Vidadi Nəzərov
Bu gün gözəl pedaqoq, nüfuzlu rəhbər, dəyərli ziyalı,ləyaqətli insan Vidadi Nəzərovun doğum günüdür.
ALLAHdan Vidadi müəllimə uzun və sağlıqlı ömür arzulayırıq.
Doğum gününüz mübarək.
Masallı Dövlət Regional Kollecinin direktoru Vidadi Nəzərov - 2020-ci il oktyabrın 25-i Azərbaycan dövlətinin tarixində əbədi qalacaq ən parlaq səhifələrdən biridir. Tariximizin ən acı səhifələrindən biri olan 1993-cü il avqustun 31-də azğın düşmən tərəfindən işğal olunan Qubadlı 44 gün davam edən Vətən müharibəsində Zəngilandan sonra erməni vandallarından təmizləndi. 27 illik işğal müddətində ölkəmizin dilbər guşəsi böyük dağıntıya, barbarlığa,vandalizmə məruz qaldı. Mənfur düşmən Qubablı rayonu ərazisində bütün sosial infrastruktur dağıtdı, kommunikasiya xəttlərini məhv etdi, daşıyıb apara bildikləri sərvətlərimizi ölkədən çıxardılar. Düşmənin göz tikdiyi Hacılı kəndində mişar daşı yatağına, Bərgüşad çayının sol sahilində yəşəm yatağına, Əliquluuşağı, Qundanlı, Muradxanlı və Başarat kəndlərində mərmərləşmiş əhəng daşı yataqlarına, Mollabürhan kəndinin cənubunda tuf daş yatağına, Xanlıq kəndində qum-gil yatağına, Eyvazlı kəndində əqiq yatağına küllü miqdarda ziyan vuruldu. Erməni vandallarının törətdikləri ekoloji terror aktlarının dünyada bənzərinə rast gəlinmədi.
44 Günlük Vətən Müharibəsində Qubadlı rayonunun azad edilməsi əməliyyatı bir neçə gün çəkdi. Şəhərdə ermənilər güclü istehkamlar qurmuşdular. Yüksəkliklərdə düşmənin hərbi birləşmələri yerləşmişdi. Qubadlını azad etmək üçün, ilk növbədə, yüksəkliklər götürülməli idi. Çünki düşmən bu yüksəkliklərdən müntəzəm olaraq hərbçilərimizə atəş açırdı. Ona görə Qubadlı əməliyyatı xüsusi peşəkarlıq və fədakarlıq tələb edirdi. Azərbaycan Ordusu bu peşəkarlığı, fədakarlığı göstərdi. İlk növbədə, şəhərə hakim olan yüksəkliklər götürüldü, ətrafda yerləşən kəndlər, o cümlədən Xanlıq qəsəbəsi, Padar, Sarıyataq, Mahmudlu kəndləri götürüldü və strateji yüksəkliklər ələ keçirildi. Qubadlı sakinlərinin yurd həsrətinə Müzəffər Ali Baş Komandanımız İlham Əliyevin rəhbərliyi ilə rəşadətli Ordumuzun qəhrəmanlığı sayəsində son qoyuldu.
Qubadlı şəhərinin azad edilməsi böyük Qələbəni yaxınlaşdırdı. Prezident, Müzəffər Ali Baş Komandan İlham Əliyevin azad olunmuş Qarabağ və Şərqi Zəngəzurun ən gözəl guşələrindən olan Qubadlıya səfərləri yaddaşlara əbədi həkk olundu. Qubadlı rayonunun azad edilməsinin strateji əhəmiyyətini xüsusi olaraq vurğulayan Prezident İlham Əliyev deyirdi: “Qubadlı rayonunun və Qubadlı şəhərinin azad edilməsi bizə böyük strateji üstünlük təmin edirdi”. 2020-ci ilin dekabrın 23-də Müzəffər Ali Baş Komandan Qubadlıda Azərbaycanın üçrəngli bayrağını ucaldıltdı.
Qələbə günlərinin əbədiləşdirilməsi ilə bağlı Prezident İlham Əliyevin 31 iyul 2023-cü il tarixli Sərəncamı ilə işğaldan azad edilmiş əraziləri üzrə şəhər günləri təsis edilib. Sözügedən Sərəncama əsasən 25 oktyabr Qubadlı şəhəri günü kimi müəyyən olub. Azərbaycan xalqı bu unudulmaz tarixləri bayram günü kimi qeyd edir.
İşğaldan azad edilmiş bütün şəhər və kəndlərimiz kimi “Ağıllı şəhər” və “ağıllı kənd” layihəsi əsasında qurulan, yeni inkişaf dövrünü yaşayan Qubadlı şəhəri də dünyanın diqqətindədir. Qalib Azərbaycan dövləti düşmənin vəhşicəsinə tar-mar etdiyi, xarabalığa çevirdiyi yurd yerlərimiz, şəhər, kənd və qəsəbələrimiz kimi Qubadlı da sürətlə dirçəldilir, cənnətə çevrilir. El-obasından köçkün düşmüş qubadlılar doğma ocaqlarının işığını yandırırlar, düşmənin viran qoyduğu yurd yerlərinin abadlaşdırılmasının şahidi olurlar. Məcburi köçkün həyatı yaşayaraq yurd həsrəti çəkmiş soydaşlarımız üçün dövlətimizin Başçısı cənab İlham Əliyevin göstərişi ilə ən yaxşı şərait yaradılır.
25 oktyabr tarixində doğma yurdlarına, ata-baba ocaqlarına qayıdan qubadlılar qürurla, fəxrlə, doğma ocaqlarında “Qubadlı Şəhəri Günü”ni qeyd edirlər.
Masallı Dövlət Regional Kollecdə “İnsan alveri-Ümumbəşəri bəla” mövzusunda maarifləndirici tədbir keçirilib
Tədbir Masallı rayon Heydər Əliyev Mərkəzi, Masallı rayon Tarix-diyarşünaslıq muzeyi və Masallı Dövlət Regional Kollecin birgə təşkilatçılığı ilə keçirilib.
Əvvəlcə Masallı rayon Heydər Əliyev Mərkəzinin direktoru Dİlbər İbayeva çıxış edərək insan alveri və onun son zamanlar böyük bir problemə çevrilməsindən, insan alveri qurbanlarının əsasən qadın və qızların olmasından danışıb.
Daha sonra Masallı Tarix-diyarşünaslıq muzeyinin direktoru Əntiqə Tağıyeva "İnsan alveri zamanı istismarın formaları", "Əməyin istismarı", kimi mövzular ətrafında çıxış edib.
Sonda tələbələri maraqlandıran suallar cavablandırıldı.
Masallı Dövlət Regional Kollecində "Narkomaniya əsrin bəlasıdır" mövzusunda tədbir keçirilmişdir
Masallı Dövlət Regional Kollecin və Masallı Rayon Polis Şöbəsinin birgə əməkdaşlığı ilə "Narkomaniya əsrin bəlasıdır" mövzusunda maarifləndirici tədbir keçirilmişdir.
İlk öncə Ulu Öndər Heydər Əliyevin və torpaqlarımızın azadlığı uğrunda canlarından keçən şəhidlərin əziz xatirəsi bir dəqiqəlik sükutla yad edildi.
Tədbirdə kollecin direktoru Vidadi Nəzərov, Masallı rayon Polis Şöbəsinin Yetkinlik Yaşına Çatmayanlarla iş üzrə İnspektoru Samit Əliyev, Dini Qurumlarla İş üzrə Dövlət Komitəsinin Masallı rayon bölməsinin müdiri Elvin Hüseynli çıxış edərək bildiriblər ki, ölkəmizdə gənc nəslin sağlam şəkildə böyüməsi üçün narkomanlığa və narkotik vasitələrin qanunsuz dövriyyəsinə, eyni zamanda yayılmasına qarşı əsası Ulu öndər Heydər Əliyev tərəfindən aparılan mübarizənin, məhz bu gün də ölkə Prezidenti cənab İlham Əliyev tərəfindən uğurla davam etdirildiyindən danışaraq bildirmişdir ki, bu sahədə dövlət tərəfindən mütəmadi maarifləndirmə işləri olduqca təqdirəlayiq bir formada aparılır. Bəşərriyyətin ən ağrılı problemlərdən biri olan “ağ ölüm” kimi tanınan narkomaniya bəlasının insan həyatında sağalmaz fəsadlar yaratdığını, ölkəmizdə narkomaniyaya qarşı həyata keçirilən genişmiqyaslı maarifləndirmə tədbirlərinin mütəmadi xarakter daşıdığını vurğulamışlar. Sonda tələbələrin sualları cavablandırılıb və mövzu ətrafında fikir mübadiləsi aparılıb.
