“Sahil bələdiyyəsinin üzv və qulluqçuları seçicilərinə xidmət göstərməkdən hər zaman məmnunluq duyurlar” [xfgiven_qirmizi] [/xfgiven_qirmizi]
Sahil bələdiyyəsinin sədri Elmira Əliyeva qazilərin, şəhid ailələrinin, veteranların yaxın dostudur. Şəhid ailələri, qazilər, həmçinin müharibə veteranları daim Elmira Əliyevanın diqqətindədir. “Bütün bayramlarda və əlamətdar günlərdə onlara baş çəkir, qayğıları ilə maraqlanır, hər cür maddi-mənəvi dəstək göstərilir. Onların heç bir müraciətini geri çevirməyən Elmira Əliyeva səlahiyyətləri çərçivəsində hər cür köməklik göstərməyə həmişə hazırdır.
Mayası vətənpərvərliklə, halallıqla yoğrulan bu gözəl insana, Sahil bələdiyyəsinin sədri Elmira Əliyevaya biz də uğurlar diləyirik. Xalq üçün, Vətən üçün əlindən gələni əsirgəməyən bu insana uzun və sağlam ömür, işlərində nailiyyətlər arzu edirik. Bir də arzu edirik ki, bu cür insanların sayı çox olsun, biz də onlarla fəxr edək, barələrində yazaq.
Sahil bələdiyyəsinin sədri Elmira Əliyeva Ulu Öndər Heydər Əliyev siyasi kursunu daima dəstəkləmiş və bu uğurlu siyasətin layiqli davamçısı, Müzəffər Ali Baş Komandan, Prezident İlham Əliyevin yürütdüyü daxili və xarici siyasətinə dəstək olmuşdur. Elmira Əliyeva - “Əl tutmaq Əlidən qalıb” atalar məsəlini həmişə sadiq olaraq, fəaliyyəti göstərdiyi dövrdə hər zaman şəhid ailələri, müharibə əlillərinə, aztəminatlı ailələrə maddi və mənəvi dəstəyini əsirgəməmişdi.
Sahil bələdiyyəsinin 2024-cü ilin yarımillik hesabatı
Əsası ümummilli lider Heydər Əliyev tərəfindən qoyulmuş dövlət gənclər siyasəti Azərbaycan gəncliyinin inkişafında dərin izlər buraxmışdır.Ulu Öndərin 1997-ci il fevralın 2-də imzaladığı Fərmana əsasən, fevralın 2-si Azərbaycan Gəncləri Günü elan edilib və həmin tarixdən etibarən Azərbaycanda təntənəli şəkildə qeyd edilməyə başlanılmışdır.
Ümummilli lider Heydər Əliyev siyasətinin davamçısı cənab prezident İlham Əliyev gənclər sahəsində dövlət siyasətinin uğurla həyata keçirilməsi məqsədilə qəbul edilmiş qanun, fərman, sərəncam və Dövlət proqramları gənc nəslin mütəşəkkil qüvvə kimi formalaşmasına, onların mənəvi-ideoloji cəhətdən tam yetkinləşməsinə, sosial problemlərinin həllinə, faydalı məşğulluğunun təmin olunmasına son dərəcə müsbət təsir göstərmişdir.Həyata keçirilən gənclər siyasətinin nəticəsidir ki, əsasən gənclərdən ibarət olan müzəffər ordumuz cəmi 44 günlük Vətən müharibəsində igidlik, şücaət göstərərək tarixi torpaqlarımızı düşməndən azad etdi.
Azərbaycan gənclərinə göstərilən xüsusi diqqətin davamı olaraq 2 fevral 2024-cü il tarixində Sahil bələdiyyəsinin təşəbbüsü və Bakı şəhəri Gənclər və İdman İdarəsinin Qaradağ rayon sektorunun təşkilatçılığı ilə Qaradağ Gənclər evində Gənclər günü”nün qeyd olunması ilə bağlı musiqili- əyləncəli tədbirin keçirilməsinə 708 (yeddi yüz səkgiz manat) manat məbləğində vəsait ayrılmışdır.Tədbirdə iştirak edən gənclər göstərilən diqqətə və qayğıya görə Prezident cənab İlham Əliyevə minnətdarlıqlarını bildirdilər.
Sahil bələdiyyəsi əhalinin sosial-məişət şəraitinin yaxşılaşdırılması, rifah halının yüksəldilməsi sahəsində bir sıra tədbirlər həyata keçirtmişdir.Bələdiyyənin təşəbbüsü ilə Holcim ASC-nin maliyyə dəstəyi ilə Ramazan bayramı və 26 iyun Silahlı Qüvvələr günü münasibətilə 15 şəhid ailəsinin hər birinə 200 manat, 80 veteran ailəsinin hər birinə 100 manat dəyərində kupon paylanılmışdır.Xalqımızın qürur yeri olan bu ailələrə hər zaman diqqət və qayğı ilə yanaşılır, onları narahat edən problemlərin həllinə köməklik göstərilir.
Hesabat dövründə Sahil bələdiyyəsi tərəfindən 12 ümumi iclas keçirilmiş və iclas protokolları Ədliyyə Nazirliyi Bələdiyyələrlə İş Baş İdarəsinə göndərilmişdir.
Hesabat dövründə ayrı-ayrı təşkilatlardan 89 məktub daxil olub, 128 məktub göndərilib, 8 yazılı müraciətə, o cümlədən digər sənədlərə qanunvericilikdə nəzərdə tutulmuş müddətdə baxılıb və cavablandırılıb.
Hesabat dövründə sədr tərəfindən 157 vətəndaş qəbul edilib.
Bələdiyyənin büdcəsinə daxilolmalar AR Nazirlər Kabinetinin Vergi Məcəlləsinə və Bələdiyyənin qəbul etdiyi müvafiq qərarlarına əsasən hesablanır.
Vergilərin ödənilməsindən yayınan ödəyicilərə xəbərdarlıq məktubları göndərilmişdir.
Hesabat dövründə bələdiyyə büdcəsinə 40131 manat daxil olmuşdur.
O cümlədən:
fiziki şəxslərdən torpaq vergisi – 4013 manat;
fiziki şəxslərdən əmlak vergisi – 36118 manat;
Bələdiyyə büdcəsinə daxil olmuş vəsaitlər aşağıdakı istiqamətlər üzrə xərclənmişdir:
Bələdiyyə qulluqçularının əmək haqqısının ödənilməsinə - 23817 manat;
Bələdiyyə işçilərinin əmək haqqlarından DSMF-yə ayırmalara- 5288 manat;
Təmir xərci- 1275 manat
İdarənin sair xərclərinə-4226 manat
Kommunal ,telefon xidmət haqqına – 962 manat
Tədbirlərin keçirilməsinə-1408
Sosial yardımlar – 1455 manat;
Dəfn və yas mərasimlərinin təşkilinə-1700 manat
Qaradağ rayon Sahil Bələdiyyəsi vergi ödəyiciləri ilə sıx əlaqə yaradılması məqsədilə bələdiyyə hesabatlarının inzibati ərazimizdə yaşayan vətəndaşlara elan, bülleten, internet saytı və.s vasitələrlə çatdırılmasını təmin etmişdir.
Bildiririk ki, bundan sonra da maliyyə vəsaitlərimizdən istifadə etməklə bələdiyyə ərazisinin abadlaşdırılması , qəsəbə sakinlərinin məişət, sosial və mədəni tələbatının ödənilməsi üçün lazımi tədbirlər həyata keçiriləcəkdir.
