Dövlətçilik Prinsiplərinə Sədaqətin və İqtisadi İnkişaf Strategiyasının Parlaq Təmsilçisi – Aydın Hüseynov [xfgiven_qirmizi] [/xfgiven_qirmizi]
Azərbaycanın ictimai-siyasi həyatında öz prinsipial mövqeyi, dövlətçilik ənənələrinə bağlılığı və ardıcıl fəaliyyəti ilə seçilən simalardan biri də Aydın Hüseynovdur. O, Azərbaycan Respublikasının Milli Məclisinin deputatı kimi qanunvericilik fəaliyyətində fəal iştirak etməklə yanaşı, ölkənin sosial-iqtisadi inkişaf strategiyasının formalaşmasında da mühüm rol oynayır. Eyni zamanda Yeni Azərbaycan Partiyasının Siyasi Şurasının üzvü və YAP Qaradağ rayon təşkilatının sədri kimi təşkilati işlərdə, ideoloji xəttin möhkəmləndirilməsində və partiyanın cəmiyyətlə bağlarının gücləndirilməsində ardıcıl və məqsədyönlü fəaliyyət göstərir.
Aydın Hüseynovun Milli Məclisdə təmsil olunduğu İqtisadi siyasət, sənaye və sahibkarlıq komitəsində fəaliyyəti ölkənin iqtisadi dayanıqlığının möhkəmləndirilməsi, sahibkarlığın stimullaşdırılması və sənaye sektorunun inkişafı istiqamətində qəbul edilən mühüm qanun layihələrində öz əksini tapır. Onun çıxışlarında iqtisadi müstəqillik anlayışı yalnız maliyyə göstəriciləri ilə deyil, həm də milli maraqlara söykənən, daxili resurslara əsaslanan və sosial ədalət prinsipini qoruyan bir model kimi təqdim olunur. Aqrar siyasət komitəsindəki fəaliyyəti isə kənd təsərrüfatının inkişafına, fermerlərin sosial rifahının yüksəldilməsinə və ərzaq təhlükəsizliyinin təmin olunmasına yönəlmiş təşəbbüslərlə yadda qalır.
Parlamentlərarası əlaqələr üzrə işçi qruplarında təmsil olunması Aydın Hüseynovun beynəlxalq müstəvidə də Azərbaycanın maraqlarını ləyaqətlə qoruduğunu göstərir. Belarus, Çin, İsveçrə, Kanada, Qətər, Latviya, Malta, Özbəkistan və Rusiya parlamentləri ilə əlaqələr çərçivəsində qurulan münasibətlər iqtisadi əməkdaşlıqdan tutmuş humanitar dialoqa qədər geniş spektri əhatə edir. O, bu platformalarda Azərbaycanın müstəqil siyasət yürüdən, öz milli maraqlarını qətiyyətlə müdafiə edən dövlət olduğunu ardıcıl şəkildə bəyan edir və ölkəmizin beynəlxalq nüfuzunun daha da artmasına töhfə verir.
YAP Qaradağ rayon təşkilatının sədri kimi fəaliyyəti isə xüsusilə diqqətəlayiqdir. Qaradağ rayonunda keçirilən görüşlər, vətəndaş qəbulları, maarifləndirici tədbirlər və sosial layihələr partiya ilə xalq arasında canlı ünsiyyət mühitinin formalaşmasına xidmət edir. Aydın Hüseynov hər bir seçicinin müraciətinə həssas yanaşır, onların problemlərinin həlli üçün aidiyyəti qurumlarla koordinasiyalı şəkildə işləyir və nəticəyönümlü fəaliyyət nümayiş etdirir. Bu yanaşma cəmiyyətin ona olan etimadını daha da gücləndirir.
Şəhid ailələrinə göstərilən diqqət və qayğı onun fəaliyyətinin ən həssas və mənəvi tərəflərindən biridir. O, Vətən uğrunda canından keçmiş igidlərin ailələrini mütəmadi olaraq ziyarət edir, onların sosial problemlərinin həlli istiqamətində konkret addımlar atır və dövlətin göstərdiyi dəstəyin operativ şəkildə çatdırılmasına nəzarət edir. Şəhid ailələri ilə görüşlərində nümayiş etdirdiyi səmimiyyət və diqqət yalnız rəsmi vəzifənin tələbi deyil, dərin mənəvi borc hissinin ifadəsidir.
Qazilərə göstərilən dəstək də Aydın Hüseynovun dövlətçi mövqeyinin bariz nümunəsidir. Müharibə iştirakçılarının reabilitasiyası, məşğulluq imkanlarının genişləndirilməsi, sosial müdafiə tədbirlərinin gücləndirilməsi ilə bağlı təşəbbüslər onun fəaliyyətində mühüm yer tutur. O, qazilərin cəmiyyətə inteqrasiyasını yalnız sosial məsələ kimi deyil, milli həmrəyliyin və ədalətin təcəssümü kimi dəyərləndirir.
Aydın Hüseynovun siyasi xətti daim dövlətçilik prinsiplərinə söykənir. O, Azərbaycanın müasir inkişaf modelinin müəllifi olan Ulu Öndər Heydər Əliyevin siyasi kursuna sadiqliyi əsas prinsip kimi qəbul edir və bu kursun bu gün uğurla davam etdirilməsini dövlətin sabitliyinin və tərəqqisinin təminatı hesab edir. Onun çıxışlarında milli maraqların qorunması, suverenliyin möhkəmləndirilməsi və güclü dövlət anlayışı əsas yer tutur.
Cənab İlham Əliyevin rəhbərliyi ilə həyata keçirilən islahatlara açıq dəstək verməsi, Prezidentin müəyyən etdiyi strateji hədəflərin qanunvericilik müstəvisində təmin olunmasına töhfə göstərməsi Aydın Hüseynovun siyasi mövqeyinin aydın ifadəsidir. O, Prezidentin iqtisadi şaxələndirmə, sosial rifahın yüksəldilməsi və regionların inkişafı ilə bağlı tapşırıqlarının icrasında fəal iştirak edir və bu istiqamətdə qəbul edilən qərarların praktiki nəticə verməsi üçün səylərini əsirgəmir.
Onun ictimai fəaliyyəti yalnız rəsmi tribuna ilə məhdudlaşmır. Aydın Hüseynov müxtəlif sosial layihələrdə, maarifləndirici təşəbbüslərdə, gənclərlə görüşlərdə aktiv iştirak edir, yeni nəslin vətənpərvərlik ruhunda formalaşmasına xüsusi diqqət yetirir. Gənclərə dövlətçilik dəyərlərinin aşılanması, milli kimlik şüurunun möhkəmləndirilməsi və ictimai fəallığın artırılması onun prioritet istiqamətlərindəndir.
Bütün bu fəaliyyətin fonunda Aydın Hüseynovun simasında biz yalnız bir deputatı deyil, dövlət maraqlarını hər şeydən üstün tutan, milli ideallara sədaqətlə xidmət edən və cəmiyyətlə daim təmasda olan bir siyasi xadimi görürük. Onun ardıcıl və prinsipial mövqeyi, sosial həssaslığı və iqtisadi baxışları Azərbaycanın dayanıqlı inkişaf yolunda atdığı addımlara mühüm töhfə verir və ictimai etimadı daha da möhkəmləndirir.
