Ağstafa rayonunun son illərdə əldə etdiyi sosial-iqtisadi uğurların, infrastruktur layihələrinin və əhalinin rifahını yüksəltməyə yönəlmiş tədbirlərin arxasında dayanan əsas simalardan biri Ağstafa Rayon İcra Hakimiyyətinin başçısı Seymur Orucovdur. Onun rəhbərliyi ilə həyata keçirilən tədbirlər rayonun inkişafına, əhalinin sosial rifahının yüksəldilməsinə və Ağstafanın daha da müasir və abad bir yaşayış məkanına çevrilməsinə mühüm töhfələr verib.

Seymur Orucovun fəaliyyətində ən diqqətçəkən məqam rayonun bütün kənd və qəsəbələrində vətəndaşların qayğılarının birbaşa dinlənilməsi və operativ həllinə yönəlmiş səyyar qəbul və görüşlərdir. O, tez-tez rayonun müxtəlif ərazilərinə gedərək insanların gündəlik həyatında üzləşdikləri çətinlikləri yerində öyrənir, həll yollarını birbaşa sakinlərlə müzakirə edir. Bu görüşlər nəticəsində bir çox sosial və infrastruktur problemləri vaxtında aradan qaldırılıb, insanların həyat keyfiyyəti daha da yaxşılaşıb.

Ağstafa rayonunda infrastrukturun müasirləşdirilməsi, kənd yollarının yenilənməsi, su və elektrik təchizatının gücləndirilməsi, sosial obyektlərin – məktəb və tibb məntəqələrinin – təmiri və yenidən qurulması kimi mühüm işlər həyata keçirilib. Əhalinin rahatlığını təmin edən bu layihələr Seymur Orucovun idarəçilik fəlsəfəsinin əsasını təşkil edir – vətəndaşların rifahını yüksəltmək, insanların rahat və təhlükəsiz şəraitdə yaşamasını təmin etmək.

Onun diqqət mərkəzində olan sahələrdən biri də şəhid ailələri, qazilər və müharibə iştirakçılarıdır. Seymur Orucov mütəmadi olaraq şəhid ailələrini ziyarət edir, onların qayğı və problemləri ilə maraqlanır, həm maddi, həm də mənəvi dəstək göstərir. Bu yanaşma onun yüksək insani keyfiyyətlərinin və dövlət siyasətinə sadiqliyinin bariz göstəricisidir. Eyni zamanda, aztəminatlı ailələr və sosial həssas qruplar da diqqətdən kənarda qalmır – xüsusilə bayram günlərində müxtəlif yardım aksiyaları həyata keçirilir, ehtiyacı olan ailələrə dəstək verilir, uşaq və ahılların qayğıları ilə yaxından maraqlanılır.

Seymur Orucovun rəhbərliyi dövründə Ağstafa rayonunda müasir kənd təsərrüfatı layihələri, sahibkarlığın inkişafına dəstək proqramları və yeni iş yerlərinin yaradılması istiqamətində də mühüm nəticələr əldə olunub. Bu isə Prezident İlham Əliyevin ölkə üzrə həyata keçirdiyi regionların sosial-iqtisadi inkişafı siyasətinin Ağstafada uğurla icra olunduğunun bariz nümunəsidir. Prezidentin sosial ədalət, vətəndaş rifahı və milli həmrəylik prinsiplərinə sadiq qalan Seymur Orucov rayonun inkişafına öz bilik və idarəçilik bacarıqları ilə mühüm töhfələr verir.

Seymur Orucovun fəaliyyətini fərqləndirən əsas cəhətlərdən biri də davamlı yenilik axtarışı və problemlərin həllində çevik yanaşmadır. O, yalnız inzibati rəhbər kimi deyil, həm də insanlara yaxın, onların problemlərini öz şəxsi məsuliyyəti kimi görən bir rəhbər kimi tanınır.

Ağstafa bu gün özünün tarixi ənənələrinə uyğun, müasir inkişaf yolunda inamla irəliləyirsə, bunda Seymur Orucovun rolu danılmazdır. Onun əməksevərliyi, xalqa xidmət prinsiplərinə sadiqliyi və sosial ədalətə verdiyi önəm rayon ictimaiyyəti tərəfindən yüksək qiymətləndirilir. Seymur Orucov, Prezident İlham Əliyevin siyasətinə dəstək verərək Ağstafanı daha da abad, müasir və perspektivli bir rayona çevirmək üçün yorulmadan çalışır.

Seymur Orucov şəhid anasının yas mərasimində iştirak etmişdir

Ağstafa RİH başçısı Seymur Orucov, Milli Məclisin deputatı Azər Əmiraslanov və rayonun hüquq-mühafizə orqanlarının rəhbərləri Ağstafanın Köçvəlilli kəndindən olan şəhidimiz, 1992 - ci il döyüşlərində şəhadətə ucalmış Omarov Məhəmməd Vahid oğlunun anası Omarova Qızxanım İslam qızının 3 mərasimində iştirak ediblər.