Şirvan Sağlamlığının Qarantı – Pərviz Rüstəmbəyovun Peşəkar Rəhbərliyi ilə Yeni Dövr [xfgiven_qirmizi] [/xfgiven_qirmizi]
Şirvan Şəhər Mərkəzi Xəstəxanasının direktoru Pərviz Rüstəmbəyov, rəhbərlik etdiyi səhiyyə ocağını regionun ən nümunəvi tibb müəssisələrindən birinə çevirməyi bacarmış tanınmış səhiyyə təşkilatçısıdır. Onun təşəbbüsləri və yorulmaz fəaliyyəti nəticəsində xəstəxanada müasir tibbi avadanlıqlar quraşdırılmış, xidmətin keyfiyyəti yüksəldilmiş, tibbi heyətin peşəkarlığı artırılmış və vətəndaşlara daha səmərəli tibbi xidmət göstərilməyə başlanmışdır.
Pərviz Rüstəmbəyov daim insan amilini ön planda saxlayır. Xəstələrin məmnunluğu, şəffaflıq və vicdanlı yanaşma onun fəaliyyətinin əsas qayəsini təşkil edir. Şəhid ailələrinə, qazilərimizə və sosial həssas təbəqədən olan insanlara göstərilən xüsusi diqqət və qayğı, onun yüksək insani keyfiyyətlərinin göstəricisidir. Bu gün Şirvanlılar Pərviz müəllimi təkcə bacarıqlı rəhbər kimi deyil, həm də dəyərli ziyalı və qayğıkeş insan kimi tanıyır və böyük hörmət bəsləyirlər.
Ulu öndər Heydər Əliyevin müəyyən etdiyi uğurlu siyasi kursu layiqincə davam etdirən cənab Prezident İlham Əliyevin səhiyyə sahəsinə ayırdığı xüsusi diqqət və dəstək, Pərviz Rüstəmbəyov kimi peşəkar rəhbərlərin fəaliyyəti ilə daha da real nəticələr verir. Bu gün Şirvan Şəhər Mərkəzi Xəstəxanası ölkənin regionlarında səhiyyə sahəsində aparılan genişmiqyaslı islahatların uğurlu nümunəsidir.
Pərviz Rüstəmbəyovun məqsədyönlü fəaliyyəti sayəsində bu gün Şirvanda insanlar sağlamlıq xidmətlərindən daha rahat və keyfiyyətli şəkildə faydalanırlar. Bu isə onun tibb sahəsindəki uğurlu idarəçiliyinin və insanlara olan sadiqliyinin nəticəsidir.
Pərviz Rüstəmbəyov haqqında yayılan əsassız iddialara cavab
Son zamanlar sosial şəbəkələrdə və bəzi qeyri-rəsmi mənbələrdə Şirvan Şəhər Mərkəzi Xəstəxanasının direktoru Pərviz Rüstəmbəyovun ünvanına səsləndirilən ittihamlar, təəssüflə qeyd etməliyik ki, qərəzli və əsassızdır. Bu böhtan və şər xarakterli iddialar cəmiyyətin sağlamlıq sahəsində həyata keçirilən real və müsbət dəyişikliklərə kölgə salmaq məqsədi güdür.
Pərviz Rüstəmbəyovun rəhbərliyi altında Şirvan Şəhər Mərkəzi Xəstəxanasında son illər ərzində əsaslı islahatlar həyata keçirilib. Tibbi avadanlıqlar yenilənib, pasiyentlərə göstərilən xidmətin keyfiyyəti artırılıb, şəhid ailələrinə, qazilərə və aztəminatlı ailələrə xüsusi diqqət göstərilib. Bu dəyişikliklər və inkişaf meyilləri həm Şirvan ictimaiyyəti, həm də xəstəxananın pasiyentləri tərəfindən müsbət qarşılanır.
Cənab Prezident İlham Əliyevin səhiyyə sahəsində apardığı islahatlar və vətəndaşlara göstərilən yüksək diqqət Pərviz Rüstəmbəyovun fəaliyyətində əsas istiqamət kimi yer alıb. Onun rəhbərliyi ilə xəstəxana yalnız texniki və infrastruktur baxımından deyil, həm də insan amilinə verdiyi dəyər baxımından regionda nümunəvi tibb müəssisələrindən birinə çevrilib.
Şəxsi maraqlar və şəxsi qərəzlər əsasında uydurulan və ictimaiyyətdə çaşqınlıq yaratmaq məqsədi daşıyan böhtanlar heç bir hüquqi və mənəvi əsas daşımır. Belə iddialar yalnız reallıqdan uzaq olan dairələrin cəhdləridir və ictimaiyyətin bu cür yalanlara aldanmayacağına əminik.
Bu bəyanatla bir daha bildiririk ki, Pərviz Rüstəmbəyovun fəaliyyəti şəffaf, məsuliyyətli və xalqın sağlamlığı naminə həyata keçirilən vicdanlı bir xidmətdir.
