Hörmətli Tahir Məmmədov!

Sizi Yasamal bələdiyyəsinin sədri vəzifəsinə seçilməyiniz münasibətilə pressmedia.info saytının rəhbərliyi və kollektivi adından səmimi-qəlbdən təbrik edirik!

Bu yüksək və məsuliyyətli vəzifəyə seçilməyiniz, xalqın Sizə olan böyük inamının və etimadının parlaq göstəricisidir. Siz uzun illər dövlət idarəçiliyində qazandığınız təcrübə, yüksək təşkilatçılıq bacarığınız və vətəndaşlara göstərdiyiniz diqqət sayəsində daim etibarlı və nüfuzlu bir rəhbər kimi tanınmısınız. Yasamal rayonunun inkişafı, sakinlərin rifahının yüksəldilməsi və bələdiyyə idarəçiliyində səmərəli işlərin görülməsi istiqamətində bundan sonra da uğurla fəaliyyət göstərəcəyinizə əminik.

Sizin rəhbərliyiniz altında Yasamal rayonunun daha da abadlaşacağına, sosial layihələrin daha geniş miqyasda həyata keçiriləcəyinə inanırıq. Xüsusilə, şəhid ailələrinə və qazilərimizə göstərdiyiniz diqqət və qayğı, onların sosial müdafiəsinin gücləndirilməsi üçün atdığınız addımlar böyük hörmət və ehtirama layiqdir. Vətən uğrunda canını fəda etmiş igidlərimizin ailələrinin, qəhrəman qazilərimizin ehtiyaclarının qarşılanması istiqamətində göstərdiyiniz humanist yanaşma, həm dövlətə, həm də xalqa olan bağlılığınızın bariz nümunəsidir.

Eyni zamanda, Prezident İlham Əliyevin rəhbərliyi altında həyata keçirilən sosial-iqtisadi inkişaf strategiyasına sadiqliyiniz və bu siyasətin Yasamal rayonunda uğurla tətbiqinə verdiyiniz töhfələr təqdirəlayiqdir. Sizin rəhbərliyinizlə Yasamal rayonunun abadlaşdırılması, infrastrukturunun müasirləşdirilməsi və sakinlərin həyat şəraitinin daha da yaxşılaşdırılması istiqamətində mühüm layihələrin icra olunacağına inanırıq.

Bu şərəfli vəzifənizdə Sizə möhkəm can sağlığı, uğurlar və yeni nailiyyətlər arzulayırıq! Yasamal rayonunun daha da inkişaf etməsi, sakinlərin rifahının yüksəldilməsi və daha gözəl bir yaşayış mühitinin formalaşması üçün atacağınız hər addımın uğurla nəticələnəcəyinə tam əminik.

Hörmətlə,
pressmedia.info saytının rəhbərliyi və kollektivi